Biełarusa, jakoha ŭ Nieapali zatrymaŭ interpał na zapyt biełaruskich uładaŭ, nie buduć vydavać Minsku
Uładzisłava Hirysa zatrymali 7 lutaha 2023 hoda ŭ Nieapali, kudy jany z žonkaj pryjechali litaralna na adzin dzień. Ordar na aryšt maładoha čałavieka byŭ vydadzieny biełaruskimi ŭładami jašče 1 śniežnia 2020-ha. 8 maja stała viadoma, što ekstradycyi nie adbudziecca. Pra heta paviedamiŭ daradca Śviatłany Cichanoŭskaj Franak Viačorka.
U vyrašeńnie pytańnia ekstradycyi biełarusa aktyŭna ŭklučyłasia Narodnaja ambasada Biełarusi ŭ Italii.
Biełarus Uładzisłaŭ Hirys razam z žonkaj žyvie ŭ Polščy z 2019 hoda. Tam u mužčyny svaja firma — jon uładalnik taksi.
U Nieapal para pryjechała 7 lutaha, na nastupny dzień jany ŭžo byli pavinny viartacca ŭ Polšču.
«Byli ŭviečary ŭ apartamientach. Pryjšła palicyja, kab pravieryć niejkija danyja, potym skazali, što jaho zabirajuć. Nadzieli na jaho kajdanki i pavieźli. Mianie z saboj nie ŭziali, dali adras, kudy jany jaho viazuć.
Pajechała za imi. Ale tam mianie nie puścili, viarnułasia ŭ apartamienty. Praz paru hadzin patelefanavaŭ muž, skazaŭ, što ŭ jaho ŭziali adbitki palcaŭ, sfatahrafavali. Ja spytała, ci źviazana heta niejak ź Biełaruśsiu, jon adkazaŭ «tak». I naša razmova na hetym skončyłasia», — raskazvała raniej žonka Uładzisłava.
U žonki Uładzisłava jość polski vid na žycharstva, u muža — humanitarnaja viza.
Pa słovach žančyny, apošni raz jany byli ŭ Biełarusi ŭ lutym 2020-ha. U Polščy Uładzisłaŭ udzielničaŭ u biełaruskich akcyjach i mitynhach.
Čytajcie taksama:
U Nieapali zatrymali biełarusa pa zapycie biełaruskich uładaŭ. Što viadoma?
Palitźniavolenuju ŭ zarečanskaj kałonii źbivaŭ i dušyŭ nahladčyk — pravaabaroncy
Kamientary
Počiemu nie napisali čto jemu inkriminirujut?;) Javno nie političieskuju staťju, t.k. Intierpoł takoje nie propustił by...
Luboj vor tiepieŕ iz Biełarusi možiet čuvstvovať siebia v Jevropie zaŝiŝionnym...