Tempieraturnyja areli buduć razhojdvacca ŭ Biełarusi z 15 pa 21 studzienia. Pra heta sinoptyk Dźmitryj Rabaŭ raspavioŭ u prahramie «Mieteahid». Jak adznačyŭ Rabaŭ, adliha budzie rezka mianiacca marazami i naadvarot. Tempieratura pavietra čakajecca ŭ siarednim na 3-6 hradusaŭ nižejšaj za normu.
Pačniecca tydzień z adznaki -1 hradus. U aŭtorak, 16 studzienia, stanie chaładniej — ad -3 da -9. Nočy buduć nie nadta maroznymi — ad 0 da -7 hradusaŭ.
U sieradu, 17 studzienia, nočču budzie ŭžo ad -6 da -15 i biez apadkaŭ. A dniom paciapleje — sinoptyk prahnazuje ad -2 da -6, plus dabavicca słabaja miacielica, na darohach hałalodzica.
U čaćvier, 18 studzienia, vyznačać nadvorje ŭ Biełarusi budzie čarhovy atłantyčny cykłon z Zachodniaj Jeŭropy. Jon pryniasie śnieh, tempieraturu i nočču i dniom ad -2 da -7. U piatnicu dniom, 19 studzienia, prahnazujecca ad -5 pa zachadzie da -11 pa paŭnočnym uschodzie.
U vychadnyja marazy ŭzmocniacca. Mahčymy nievialiki karotkačasovy śnieh. Unačy ŭ subotu ad -8℃ pa paŭdniovym zachadzie da -19℃ pa paŭnočnym uschodzie, u niadzielu jašče na 3-5 hradusaŭ chaładniej, u siaredzinie dnia ŭ subotu ad -2 da -8℃, u niadzielu da -7℃.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii4
Kamientary