Pieršy mahazin parfumieryi rasijskaj sietki «Łetual» pavinien adkrycca ŭ handlovym centry Minsk City Mall. Čutki pra heta źjavilisia jašče ŭ śniežni, ciapier ža ich paćvierdziŭ «Anłajnier» sa spasyłkaj na svaje krynicy.
Dakładnaja data adkryćcia kramy pakul nie nazyvajecca, na haračaj linii «Łetual» u Rasii i ŭ administracyi Minsk City Mall śviedčańni krynicy «Anłajniera» i nie paćvierdzili i nie abvierhnuli.
Jašče ŭ sakaviku 2023 hoda «Kommiersant» pisaŭ, što «Łetual» razhladaje mahčymaść vychadu ŭ niekalki krain, u tym liku ŭ Biełaruś. Ekśpierty vydańnia źviazvali pašyreńnie sietki nie tolki z naroščvańniem vyručki, ale i ź imknieńniem sfarmiravać łahistyčnyja maršruty, jakija dazvolili b uvozić u Rasiju pradukcyju zamiežnych vytvorcaŭ.
Hałoŭnyja kankurenty kampanii ŭ Biełarusi — «Załaty jabłyk» (pracuje ŭ Biełarusi z 2021 hoda) i «Kravt» (pieršaja krama — 2003 hod), biełaruskaja sietka parfumierna-kaśmietyčnych kram.
«Łetual» — najbujniejšaja ŭ Rasii parfumiernaja roźničnaja sietka, zasnavanaja ŭ 1997 hodzie. Ciapier pad kiravańniem kampanii znachodzicca kala 1 tys. kram u 250 haradach.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia6
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary