U pamiežnych čatach pišuć, što «Kuźnicu» na biełaruska-polskaj miažy adkryvajuć 1 lutaha. A što nasamreč?
Djabał, jak kažuć, chavajecca ŭ fotašopie.
Siońnia ŭ redakcyju «Aŭtahrodna» prychodziać paviedamleńni i «fotadokazy» taho, što z 1 lutaha polski bok adnaŭlaje pracu punkta propusku «Kuźnica». U jakaści dokazaŭ karystalniki dasyłajuć skrynšot zajavy «Stražy hraničnaj». Ale radavacca rana.
Voś jak vyhladaje dopis, jaki dasyłajuć haradziency:
U paviedamleńni skazana, što «paśla doŭhaha pierapynku ŭ pracy, pamiežny punkt propusku «Kuźnica Biełastocka» budzie adkryty 01.02.2024. Dyskusija na temu adkryćcia była haračaj i skaardynavanaj z usimi słužbami. Mihracyjny kryzis zaviaršyŭsia, mihranty nie mohuć pierasiekčy miažu ES».
Viadoma ž, navina siensacyjnaja. Ale, na žal, pravierku jana nie prachodzić.
Miarkujučy pa afarmleńni dopisu, jon uziaty z aficyjnaj hrupy «Stražy hraničnaj» u fejsbuku. Adnak ničoha takoha ŭ aficyjnaj hrupie niama ni siońnia, ni ŭčora, ni tydzień tamu. Zatoje jość dopis, jaki staŭ asnoŭnaj dla paviedamleńnia ab adkryćci miažy:
Akazvajecca, chtości z dapamohaj fotaredaktara zamianiŭ teksty z aficyjnaha kanała polskich pamiežnikaŭ. Radasnaja navina akazałasia padrobkaj, ale praciahvaje raspaŭsiudžvacca ŭ pryhraničnych čatach:
Nahadajem, «Kuźnica» zakrytaja z 9 listapada 2021 hoda, što stała vynikam sprobaŭ šturmu mihrantami biełaruska-polskaj miažy.
Z tych časoŭ štohod zdarajucca pa try chvali čutak pra toje, što pierachod voś-voś adkryjuć. Pryčym raspaŭsiudniki hetaj infarmacyi ŭpeŭnienyja ŭ svaich słovach na 100% i hatovyja spračacca. Z apošniaha raspaŭsiudžvaŭsia słych, što pahranpierachod «Kuźnica» adkryjuć 4 śniežnia 2023 hoda. Pra heta kazali zusim roznyja ludzi. Spasyłalisia i na biełaruskich pamiežnikaŭ i navat na «Biełarusnaftu» — nibyta aŭtavozy kampanii pačynajuć zavozić paliva na pamiežnyja AZS. Jak bačycie, nivodnaja z hetych čutak nie paćvierdziłasia, dadaje «Aŭtahrodna».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary