Asvodaŭcy pad Homielem uratavali zajca, jaki pravaliŭsia pad lod
Žyviolinu, jakaja boŭtałasia ŭ vadzie na adkrytym učastku Soža, zaŭvažyŭ u binokl dziažurny źmieny Vietkaŭskaj ratavalnaj stancyi Tavarystva ratavańnia na vodach.
«Kasy vyskačyŭ na nieakrepły lod i pravaliŭsia. Sam vybracca nie zmoh, choć sprabavaŭ: čaplaŭsia za kryhu łapami i navat zubami. Načalnik ratavalnaj stancyi Siarhiej Siłkin i dziažurny źmieny chutka zreahavali. Na łodcy u vadałaznym ryštunku padpłyli da zajca, što patanaŭ, i vyciahnuli jaho z vady. Spravilisia chutka, za paŭtary chviliny», — prakamientavali padziei ŭ tavarystvie.
Źmierzłaha zajca pryvieźli na stancyju, abahreli, a potym adpuścili nazad u les.
A sam vypadak słužyć ilustracyjaj, nakolki niebiaśpiečna ciapier vychodzić na lod. Kali jon nie trymaje navat zajca, to što ŭžo kazać pra čałavieka?
Kamientary