29 śniežnia pravaabaroncy pryznali palitviaźniami jašče 14 čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1455 čałaviek.
Imiony i proźviščy novych palitviaźniaŭ — Uładzimir Husieŭ, Alaksandr Masievič, Juryj Alchavik, Iryna Sankoŭskaja, Uładzimir Łukjančuk, Maksim Kronda, Andrej Aleščyk, Viktar Mielechaŭ, Pavieł Pašukievič, Juryj Ščarbak, Pavieł Niadzielin, Ilja Kurapatkin, Dźmitryj Kazakoŭ, Hanna Straževič.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1455 čałaviek. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie8
Kamientary