Što viadoma pra zatrymanych maci i babulu, jakim siłaviki pahražajuć Novym hodam na Akreścina
Žančynam zakidajuć udzieł u pratestach u 2020-m i toje, što jany brali z saboj dzicia na žanočyja maršy.
Zatrymanych kličuć Julija i Tamara Karalovy. Viadoma, što ŭ Julii jość 4-hadovy syn. Razam z mužam Alesiem Misuna jana zajmajecca lohkaj atletykaj i rehularna biehaje paŭmarafony.
Aleś — adzin z samych paśpiachovych maładych pradprymalnikaŭ Biełarusi. Jon suzasnavalnik digital-ahienctva Qmedia.
Tamara i Julija majuć ułasny biznes — firmu «Karaloŭ trejd», jakaja isnuje bolš za 15 hadoŭ. Kampanija pradaje pasłuhi i tavary ŭ śfiery «pryhažości, spa i vełnes». Akramia kaśmietyki, heta jašče i aparaty dla stvareńnia spa-zonaŭ i sałonaŭ pryhažości, a taksama pasłuhi pa afarmleńniu sałonaŭ pad kluč.
Tamara — dyrektarka Asacyjacyi prykładnoj estetyki i spa Biełarusi, a Julija — jejnaja namieśnica ŭ hetaj arhanizacyi. Asacyjacyja raspracoŭvaje dziaržaŭnyja standarty pa spa-pasłuhach.
Ich zatrymali praz fota z žanočych maršaŭ. Ale na ŭsich prademanstravanych vyjavach žančyny stajać na piešachodnych ściežkach.
Taksama Julija brała z saboj na adzin z pratestaŭ dzicia, što im taksama zakidajuć hubazikaŭcy. Siłaviki pahražajuć, što jany praviaduć «navahodnija śviaty na Akreścina». Situacyja niezrazumiełaja, bo žančynie ź niepaŭnaletnim dziciom nie mohuć prysudzić sutki, maksimalnaje pakarańnie ŭ jaje vypadku — štraf.
«Naša Niva» — bastyjon biełaruščyny
PADTRYMAĆRaspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd
Prapahandystka Chudalej, jakaja pracavała na žanočych maršach, zvolniłasia z STB i šukaje pracu ŭ IT
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary