Rasijanie płanujuć vyvozić ukrainskich dziaciej z akupavanych terytoryj praź Biełaruś — upaŭnavažany pa pravach čałavieka
Ambudsmien ličyć, što takim čynam rasijanie mohuć sprabavać maksimalna zakryć infarmacyju ab tym, što ŭkrainskija dzieci znachodziacca na terytoryi Rasii.
Rasijanie składajuć śpisy dziaciej z časova akupavanych terytoryj Ukrainy, jakich płanujuć vyvozić u RF praź Biełaruś, pra heta zajaviŭ upaŭnavažany pa pravach čałavieka va Ukrainie Dźmitryj Łubiniec.
«My fiksujem novuju sistemnuju prablemu, kali rasijanie departujuć ukrainskich dziaciej mienavita praz terytoryju Biełarusi. Pavodle majoj infarmacyi, jany ŭvieś čas składajuć novyja śpisy dziaciej, jakija ciapier znachodziacca na časova akupavanaj terytoryi Ukrainy, u pryvatnaści ŭ Danieckaj i Łuhanskaj abłaściach, i buduć praz terytoryju Biełarusi vyviezienyja ŭ RF».
Ambudsmien ličyć, što takim čynam rasijanie mohuć sprabavać maksimalna zakryć infarmacyju ab tym, što ŭkrainskija dzieci znachodziacca na terytoryi RF.
Łubiniec vykazaŭ mierkavańnie, što Biełaruś dla rasijanaŭ — heta dadatkovy faktar, jak schavać infarmacyju ab departavanych ukrainskich dzieciach.
Pavodle jaho słoŭ, ustanaŭleńnie fakta departacyi i vieryfikacyja dziciaci — heta karpatlivaja praca. Treba vyśvietlić, chto ŭziaŭ dziaciej, adkul, jak jon ich pryvioz na terytoryju RF. A kali heta adbyvajecca praz terytoryju Biełarusi, to znajści takuju infarmacyju maksimalna składana.
Adkazvajučy na pytańnie, kolki ŭ cełym ukrainskich dziaciej znachodzicca na terytoryi Biełarusi, ambudsmien adznačyŭ, što ich mohuć być tysiačy.
Ale, ź jahonych słoŭ, jany tam znachodziacca časova: «To-bok heta pramiežkavy punkt u łahistycy pierad transparciroŭkaj u RF».
-
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
-
Biełarusaŭ u Maskvie vyzvalili ad abaviazkovaj rehistracyi, pad jakuju trapiać inšyja inšaziemcy
-
«U mianie było piać mužčyn. Šosty — Isus». Asia Papłaŭskaja chacieła stać manaškaj, ale nie atrymałasia
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia18
Kamientary