Tajvań pašyryŭ abmiežavańni na ekspart technałohij u Biełaruś i Rasiju
Tajvań pašyryŭ abmiežavańni na ekspart tavaraŭ vysokich technałohij u Biełaruś i Rasiju, paviedamlaje Ministerstva ekanomiki hetaha vostrava. Pavodle jaho, abmiežavańni zrabili bolš žorstkimi «dla praduchileńnia vykarystańnia vysokatechnałahičnych tavaraŭ Kitajskaj Respubliki ŭ vajskovych metach».
U novy tajvański pieralik trapili 45 tavaraŭ, pryznačanych dla vytvorčaści paŭpravadnikoŭ, niekatorych vidaŭ chimičnych rečyvaŭ i miedykamientaŭ.
«Niadaŭna ES, ZŠA i inšyja mižnarodnyja sajuźniki sabrali abłomki zbroi z pola boju va Ukrainie i apublikavali «supolny vysokapryarytetny śpis» elektronnych i miechaničnych detalaŭ dy abstalavańnia, jakija šyroka vykarystoŭvajucca ŭ kamiercyjnych metach i mohuć być vykarystanyja dla vytvorčaści zbroi. U ekspartny śpis uklučana 45 tavaraŭ pa kodzie TN ZED (tavarnaja namienkłatura źniešnieekanamičnaj dziejnaści)… Ministerstva taksama pryniało rašeńnie pašyryć ekspartny kantrol u dačynieńni da 45 tavaraŭ pa kodzie TN ZED», — udakładnili ŭ viedamstvie.
Abmiežavańni ŭstupiać u dziejańnie z 25 studzienia 2024 hoda.
Upieršyniu tajvańskim vytvorcam zabaranili pastaŭlać Minsku i Maskvie abstalavańnie dla vytvorčaści paŭpravadnikoŭ viasnoj 2022 hoda. A ŭ studzieni 2023 hoda Tajvań pašyryŭ abmiežavańni na ekspart vysokatechnałahičnych tavaraŭ u Biełaruś. U śpis trapili 52 tavary, a taksama chimičnyja rečyvy. Abmiežavańni zakranuli stanki ź ličbavym prahramnym kiravańniem, elektrarazradnyja stanki i kantrolery, a taksama dubinki, kajdanki, ucichamirvalnyja kašuli. Taksama ŭłady Tajvania ŭziali pad kantrol ekspart u Biełaruś datčykaŭ, čypaŭ, paŭpravadnikoŭ, łazieraŭ, tavaraŭ aerakaśmičnaj pramysłovaści.
U rasijskim manitory znajšli «čyp ajčynnaj vytvorčaści», jaki prypajali tolki dla spravazdačnaści
Tajvań, jaho kremnijevy ščyt, sakrety i pieršaja łedzi ź Biełarusi. Vialiki repartaž Arcioma Harbaceviča pra vostraŭ, jaki pastaviŭ śviet u zaležnaść ad siabie
Niama «najlepšaha», jość tolki «jašče lepšy». Na Tajvani vyrablajuć dyspłei novych typaŭ
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary