Čynoŭnica bałatujecca ad Dziaržynska, dzie nikoli nie pracavała.
Ministarka pracy Iryna Kaścievič choča stać deputatkaj Pałaty pradstaŭnikoŭ. Jana zarehistravała inicyjatyŭnuju hrupu pa Dziaržynskaj akruzie №71.
Što ŭ situacyi niezvyčajnaha?
Pa-pieršaje, ministry nikoli za apošni čas nie bałatavalisia ŭ deputaty. Advarotnyja pracesy išli — časam dziejnych deputataŭ pryznačali va ŭrad praz kadravy niedachop, i tady im davodziłasia składać ź siabie parłamienckija paŭnamoctvy.
Pa-druhoje, dla Kaścievič čamuści zareziervavali mienavita Dziaržynskuju akruhu. Pry hetym ničoha ŭ jaje bijahrafii nie śviedčyć pra suviazi z hetym rajcentram. Kaścievič naradziłasia ŭ Minsku, skončyła narhas, pracavała ŭ sistemie Biełstata (1993-2015), dajšoŭšy da pasady pieršaj namieśnicy staršyni. Paśla pracavała namieśnicaj ministra ekanomiki (2015-2017), a apošnim časam była ministarkaj pracy i sacyjalnaj abarony (z 2017).
Na momant vybaraŭ Kaścievič užo budzie 57 hadoŭ. Faktyčna havorka viadziecca pra hanarovy sychod na parłamienckuju piensiju.
Kamientary
Tamu Kaścievič adnaznačna stanie "deputatam" łukašenkaŭskaj "pałatki", jak i Hajdukievič, jaki zajaviŭ, što: «Navat moj pałavy orhan vyjhraje vybary».
(Spasyłka na zajavu Hajdukieviča https://m.nashaniva.com/332823/)