Indeks aliŭje i šuby. Jak za hod padaraželi kłasičnyja śviatočnyja sałaty?
Treci hod zapar padličvajem inflacyju pa inhredyjentach lubimych navahodnich stravaŭ. Jak źmianilisia ceny na ich?
Adrazu nahadvajem, što heta nie źjaŭlajecca surjoznym daśledavańniem. Infarmacyja Biełstata nie ŭličvaje siarednija ceny na niekatoryja pradukty kštałtu salonych ahurkoŭ ci kansiervavanaha harošku (zamiest ich uziatyja ceny z katehoryi «kansiervavanaja harodnina»). Źviestki statystyčnaha orhana abahulnienyja: nie ŭličvajuć, naprykład, tłustaść majanezu, katehoryju jajek i h. d. Taksama nie ŭličvalisia vydatki na pryhatavańnie — a kamunalnyja pasłuhi ŭ Biełarusi taksama daražejuć štohod.
Aliŭje
Dla raźliku cany sałaty «Aliŭje» my, jak zvyčajna, biarem nastupny recept: kansiervavanyja ahurki (500 hramaŭ), harošak (380 hramaŭ), bulba (500 hramaŭ), morkva (200 hramaŭ), kurynyja jajki (4 štuki), varanaja kaŭbasa (300 hramaŭ), majanez (200 hramaŭ), repčataja cybula (100 hramaŭ).
| Aliŭje | Listapad 2022 | Listapad 2023 | Inflacyja, % |
| Kansiervavanyja ahurki, 1 kh (porcyja) | 8,15 (4,08) | 9,1 (4,55) | 11,66 |
| Harošak, 1 kh (porcyja) | 8,15 (3,10) | 9,1 (3,46) | 11,66 |
| Bulba, 1 kh (porcyja) | 0,91 (0,46) | 0,75 (0,38) | -17,58 |
| Morkva, 1 kh (porcyja) | 0,92 (0,18) | 1,03 (0,21) | 11,96 |
| Jajki, dziasiatak (porcyja) | 2,99 (1,20) | 3,23 (1,29) | 8,03 |
| Varanaja kaŭbasa v/h, 1 kh (porcyja) | 9,15 (2,75) | 9,37 (2,81) | 2,40 |
| Majanez, 1 kh (porcyja) | 9,35 (1,87) | 8,73 (1,75) | -6,63 |
| Repčataja cybula, 1 kh (porcyja) | 1,3 (0,13) | 1,35 (0,14) | 3,85 |
| Suma za porcyju | 13,77 | 14,57 | 5,97 |
Za hod, zhodna z aficyjnymi źviestkami Biełstata, aliŭje na siamju stała daražejšym usiaho na 80 kapiejek, ci na 6 pracentaŭ u adnosnych vieličyniach. Heta najmienšy pakazčyk za try hady — u 2021-m aliŭje dadała 20%, letaś — 14.
Paśla istotnaha rostu ŭ minułym hodzie sioleta harodnina patańnieła. Astatnija pradukty ž zvykła daraželi, što dało vynikovy rost cany porcyi «Aliŭje» na 6 pracentaŭ.
Heta adpaviadaje hadavoj inflacyi pa padlikach Nacbanka i zaviareńniam pieršaha namieśnika premjera Snapkova, jaki zajaviŭ, što pa vynikach hoda rost cen składzie 5,4-5,6%.
Sieladziec pad šubaj
Dla acenki koštu šuby uziali taki recept: salony sieladziec (350 hramaŭ), bulba (400 hramaŭ), buraki (350 hramaŭ), morkva (200 hramaŭ), kurynyja jajki (2 štuki), repčataja cybula (100 hramaŭ), majanez (300 hramaŭ).
| Sieladziec pad šubaj | Listapad 2022 | Listapad 2023 | Inflacyja, % |
| Salony sieladziec, 1 kh (porcyja) | 8,29 (2,90) | 8,97 (3,14) | 8,20 |
| Bulba, 1 kh (porcyja) | 0,91 (0,36) | 0,75 (0,30) | -17,58 |
| Buraki, 1 kh (porcyja) | 0,85 (0,30) | 1 (0,35) | 17,65 |
| Morkva, 1 kh (porcyja) | 0,92 (0,18) | 1,03 (0,21) | 11,96 |
| Jajki, dziasiatak (porcyja) | 2,99 (0,60) | 3,23 (0,65) | 8,03 |
| Repčataja cybula, 1 kh (porcyja) | 1,3 (0,13) | 1,35 (0,14) | 3,85 |
| Majanez, 1 kh (porcyja) | 9,35 (2,81) | 8,73 (2,62) | -6,63 |
| Suma za porcyju | 7,28 | 7,40 | 1,59 |
Amatary sieladca pad šubaj mohuć być ščaślivyja — inhredyjenty dadali za hod usiaho 12 kapiejek. Heta, jak i z aliŭje, minimalny pakazčyk za try hady — u 2021-m šuba dadała ažno 36,4%, letaś — 6,74%.
A jak, pa vašych adčuvańniach, vyraśli ceny na pradukty za hety hod? Napišycie ŭ kamientarach!
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary