Sud pakaraŭ eks-doktara 24 hadami turmy za hienacyd tutsi ŭ Ruandzie. Pravasudździe adbyłosia praz 30 hadoŭ
Sastena Muńjemana abvinavacili ŭ tym, što jon utrymlivaŭ tutsi ŭ «niečałaviečych umovach» u ofisach miascovych orhanaŭ ułady — pakul ich nie zabivali.
Sud u Francyi prysudziŭ byłoha hiniekołaha z Ruandy Sastena Muńjemana da 24 hadoŭ turmy za ŭdzieł u hienacydzie tutsi ŭ 1994 hodzie, piša Radyjo Svaboda.
68-hadovy Muńjeman pryznany vinavatym u hienacydzie, złačynstvach suprać čałaviečnaści i ŭdziele ŭ zmovie z metaj padrychtoŭki hetych złačynstvaŭ. Jon vinu admaŭlaje, jaho advakaty zajavili, što płanujuć abskardzić prysud.
Sud pryjšoŭ da vysnovy, što Sasten Muńjeman dapamahaŭ składać list u padtrymku ŭrada chutu, jaki zaachvočvaŭ vyniščeńnie tutsi.
Taksama byłoha doktara abvinavacili ŭ tym, što jon utrymlivaŭ tutsi ŭ «niečałaviečych umovach» u ofisach miascovych orhanaŭ ułady — pakul ich nie zabivali.
Na pasiadžeńniach suda Muńjeman śćviardžaŭ, što sprabavaŭ vyratavać tutsi, dajučy im prytułak u miascovych administracyjach.
Hienacyd u Ruandzie, padčas jakoha sałdaty i apałčency chutu zabili kala 800 tysiač čałaviek, bolšaść ź jakich byli etničnymi tutsi, doŭžyŭsia 103 dni.
Paśla mnohija jaho ŭdzielniki źjechali ŭ Francyju, ratujučysia ad pravasudździa. Z tych časoŭ u Francyi razhledzieli ŭsiaho šeść spraŭ ab udziele ŭ hienacydzie tutsi. Ruanda abvinavačvaje Paryž u niežadańni vydavać padazravanych u hienacydzie i pryciahvać ich da adkaznaści.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary