Суд пакараў экс-доктара 24 гадамі турмы за генацыд тутсі ў Руандзе. Правасуддзе адбылося праз 30 гадоў
Састэна Муньемана абвінавацілі ў тым, што ён утрымліваў тутсі ў «нечалавечых умовах» у офісах мясцовых органаў улады — пакуль іх не забівалі.
Суд у Францыі прысудзіў былога гінеколага з Руанды Састэна Муньемана да 24 гадоў турмы за ўдзел у генацыдзе тутсі ў 1994 годзе, піша Радыё Свабода.
68-гадовы Муньеман прызнаны вінаватым у генацыдзе, злачынствах супраць чалавечнасці і ўдзеле ў змове з мэтай падрыхтоўкі гэтых злачынстваў. Ён віну адмаўляе, яго адвакаты заявілі, што плануюць абскардзіць прысуд.
Суд прыйшоў да высновы, што Састэн Муньеман дапамагаў складаць ліст у падтрымку ўрада хуту, які заахвочваў вынішчэнне тутсі.
Таксама былога доктара абвінавацілі ў тым, што ён утрымліваў тутсі ў «нечалавечых умовах» у офісах мясцовых органаў улады — пакуль іх не забівалі.
На пасяджэннях суда Муньеман сцвярджаў, што спрабаваў выратаваць тутсі, даючы ім прытулак у мясцовых адміністрацыях.
Генацыд у Руандзе, падчас якога салдаты і апалчэнцы хуту забілі каля 800 тысяч чалавек, большасць з якіх былі этнічнымі тутсі, доўжыўся 103 дні.
Пасля многія яго ўдзельнікі з'ехалі ў Францыю, ратуючыся ад правасуддзя. З тых часоў у Францыі разгледзелі ўсяго шэсць спраў аб удзеле ў генацыдзе тутсі. Руанда абвінавачвае Парыж у нежаданні выдаваць падазраваных у генацыдзе і прыцягваць іх да адказнасці.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары