На сераду зноў абвясцілі апошні чырвоны ўзровень небяспекі — заўтра апошні дзень пекла
З чацвярга спёка павінна адпусціць.
У сераду, 1 ліпеня, у дзённыя гадзіны на большай частцы тэрыторыі краіны максімальная тэмпература паветра складзе +30…+34 °C, па паўднёвым захадзе — +35…+37 °C. У Мінску чакаецца +30…+32 °C, паведаміў Белгідрамет.
Удзень па заходняй палове краіны прагназуюцца кароткачасовыя навальнічныя дажджы, месцамі — моцныя залевы магчымы град.
У чацвер, 2 ліпеня, надвор'е будуць вызначаць актыўныя франтальныя падзелы. Па паўднёвым усходзе захаваецца ўплыў вельмі цёплых трапічных паветраных мас.
На большай частцы тэрыторыі краіны пройдуць кароткачасовыя дажджы. Месцамі чакаюцца моцныя дажджы і навальніцы, удзень магчымы град.
Уначы — +17…+23 °C, па паўночным захадзе — +15…+16 °C. Максімальная ўдзень — ад +21 °C па захадзе да +35 °C па паўднёвым усходзе.
У пятніцу, 3 ліпеня, умовы надвор'я ў Беларусі будуць вызначаць франтальныя падзелы і больш прахалодныя паветраныя масы, якія паступяць з паўночнага захаду Еўропы.
Раніцай і ўдзень на большай частцы тэрыторыі Беларусі пройдуць кароткачасовыя дажджы. Месцамі прагназуюцца навальніцы.
Уначы складзе +11…+17 °C, па паўднёвым усходзе — да +20 °C. Максімальная тэмпература ўдзень — +20…+27 °C.
Надвор'е ў Мінску на наступныя дні паводле yr.no
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары