У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы
У сталічнай Серабранцы людзі кожны чацвер з 17‑й да 19‑й збіраюцца ля кінатэатра «Салют», каб разам з суседзямі патанчыць пад хіты розных эпох. Пачыналася ўсё сціпла, але штотыдзень колькасць наведнікаў на пляцоўцы расце. А заўсёднікі танцавальных вечароў паспелі ператварыцца ў лакальных зорак.
Так, ля «Салюту» ў любое надвор’е можна сустрэць пенсіянерку Інэсу, якая выбірае вобраз для танцаў больш адказна, чым на спатканні.
Інэса вядзе свой тыкток, і многія ведаюць яе не толькі па танцах у Серабранцы, але і ў парку Паўлава.
Яшчэ адзін блогер адзначае, што на гэтым тыдні людзей ля кінатэатра было ўжо ў тры разы больш, чым зусім нядаўна.
Праўда, далёка не ўсе задаволеныя музычным рэпертуарам пляцоўкі.
«Палову ва ўтыль», — каментуе Магдалена, якая не разумее, чаму на пляцоўцы так часта гучаць старыя рускамоўныя песні.
Падобны від аб’яднання гараджан цяпер назіраецца не толькі ў Мінску. У дадатак да звыклых гурткоў па інтарэсах і даўно арганізаваных танцпляцовак паўстаюць новыя імправізаваныя месцы для супольных танцаў.
Так, у Горках кожную суботу збіраюцца патанчыць з 20‑й да 22‑й ля кінатэатра «Крыніца».
Такія ж танцавальныя варушнякі адбываюцца і ў шматлікіх іншых гарадах, як абласных, так і раённых.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары