«Vy pad kantrolem». Supracoŭnik KDB padklučyŭsia da anłajn-zaniatku Volnaha biełaruskaha ŭniviersiteta
Jak stała viadoma telekanału «Biełsat», uviečary 19 śniežnia padčas anłajn-zaniatku Volnaha biełaruskaha ŭniviersiteta ŭ efir padklučyŭsia pradstaŭnik KDB Kanstancin Byčak, jaki paviedamiŭ udzielnikam, što «ŭsie pad kantrolem». Incydent telekanału paćvierdzili supracoŭniki Volnaha biełaruskaha ŭniviersiteta.
«Majučy spasyłku da Zoom-sustrečy, pradstaŭnik KDB vystupiŭ i pasprabavaŭ zapałochać udzielnikaŭ», — raspaviali «Biełsatu» ŭ Volnym biełaruskim univiersitecie.
Reč u tym, što možna nie być studentam kursa, a atrymać prosta spasyłku na anłajn-sustreču i takim čynam padklučycca da zaniatku.
«U metach biaśpieki VBU prapanuje vykarystoŭvać niki zamiest imionaŭ, i, takim čynam, z-za hetaha jość i advarotny efiekt, što my nie možam adsačyć, chto sapraŭdy zjaŭlajecca ŭdzielnikam. Heta stvaraje dadatkovuju prablemu vieryfikacyi ŭdzielnikaŭ», — raskazali «Biełsatu» ŭ VBU.
Hety incydent padobny da taho, što zdaryŭsia niadaŭna ŭ Varšavie ŭ Biełaruskim moładzievym chabie: aktyvist Aleh Aksionaŭ 18 listapada arhanizavaŭ sieminar pa biaśpiecy, na jakim raptoŭna vystupiŭ supracoŭnik Kamitetu dziaržaŭnaj biaśpieki.
Pry hetym Volny biełaruski ŭniviersitet pakul nie pryznany režymam Łukašenki «ekstremisckim farmavańniem». VBU vykonvaje rolu apieratara adaptavanych dla Biełarusi prahram, stvaranych i realizavanych razam z zachodnimi partniorskimi ŭniviersitetami.
«Śpisy ŭdzielnikaŭ nie vialisia, atrymać ich nichto nie moh». Biełaruski moładzievy chab prakamientavaŭ situacyju z arhanizavanym KDB «sieminaram pa biaśpiecy»
Adšukali čałavieka, jaki, mierkavana, pieravodziŭ hrošy Alehu Aksionavu ad KDB
«Pieršyja dźvie chviliny dumaŭ, što heta žart». Naviednik sieminara pa biaśpiecy, da jakoha dałučyŭsia KDB, raskazaŭ, što tam adbyvałasia
«Navat takija sivyja babry patraplajuć u pastku». Aleh Aksionaŭ patłumačyŭ, jak jaho raźvioŭ KDB
Kamientary