«Navat takija sivyja babry patraplajuć u pastku». Aleh Aksionaŭ patłumačyŭ, jak jaho raźvioŭ KDB
18 listapada ŭ dziaržaŭnych ŚMI vyjšaŭ novy prapahandyscki filmik. U im havorycca, što łukašenkaŭskija śpiecsłužby hod razvodzili i vykarystoŭvali aktyvista Biełaruskaj chryścijanskaj demakratyi Aleha Aksionava. U kamientary «Miedyjazonie» jon patłumačyŭ, jak tak adbyłosia.
Jak źjaviŭsia KDBist «Andrej»
— Heta pačałosia paśla adnaho mierapryjemstva, dzie ja paznajomiŭsia z deputatam Jeŭraźviazu, jaki sapraŭdy źjaŭlajecca čalcom kamisii pa biaśpiecy. Ale chtości skarystaŭsia našymi razmovami. Paśla hetaha ad «jaho» imia vyjšli na suviaź, prapanavali pracu. Ja ŭvieś čas ličyŭ, što heta sapraŭdy tak.
Heta było naprykancy minułaha hoda, padčas sieminara. Jon [supracoŭnik KDB] pradstaviŭsia «Andrej» (surazmoŭcy kamunikavali praz telehram — MZ). Usio źnikła adrazu paśla taho, jak adbyłasia heta fijaska na siońniašnim sieminary. Jon pradstaŭlaŭsia, što znachodzicca ŭ jeŭraźviazaŭskim ofisie pa-za miežami i ŭ niejkaj kamisii, ofis jakoj znachodzicca ŭ Łondanie.
Što patrebna było rabić
— Praca, jak mnie heta było pradstaŭlena, — testavyja zadańni dla taho, kab stać supracoŭnikam analityčnaha adździeła biaśpieki Jeŭraźviazu.
[Pracaj] była prysutnaść na mierapryjemstvach. Usia heta infarmacyja, nasamreč, nie vartaja ničoha, tamu što jana była ŭ adkrytym dostupie. Mianie zapytvali ŭvieś čas pra finansavy składnik. Ale ž, pakolki ja nie źjaŭlaŭsia arhanizataram mierapryjemstvaŭ, nijakaj infarmacyi ŭ hetym płanie nie było. Tamu ja prosta paznačaŭ, što prajšło mierapryjemstva, prysutničali stolki čałaviek.
Čatyry spravazdačy (stolki, pa słovach Aksionava, jon vykanaŭ dla KDB — MZ) — čatyry mierapryjemstvy, na jakich ja prysutničaŭ. Heta byli ŭmoŭnyja śpisy [udzielnikaŭ] — tyja ž, jakija byli sfatahrafavanyja i pakazany padčas hetaha kino.
Hrošy, dyktafon i «byvaje»
— [U siužecie na ONT] chłuśni vielmi šmat. Nakont dyktafona — hetaha nie było.
Skažam tam, siońnia hebistaŭ Biełarusi možna pavinšavać z pośpiecham.
[Pra rachunak, ź jakoha pieravodzili hrošy]. A voś heta toje pytańnie, jakoje zaŭtra budzie abmiarkoŭvacca z polskim bokam. Heta sapraŭdy surjoznaja reč, sapraŭdy taki čałaviek isnuje, kali jość rachunak.
U «17 mhnovienij Viesny» była takaja fraza: «Vozduch svobody syhrał s Plejšnierom złuju šutku». Prykładna toje ž samaje adbyłosia. Ščyra kažučy, ja vielmi ŭdziačny ŭsim, chto byŭ u aŭdytoryi, akramia adnaho siabra. Usie astatnija ŭspryniali heta tak, što byvajuć chiby.
Siońniašni sieminar pa biaśpiecy byŭ sapraŭdny aktualny. Takija sieminary patrebnyja: tamu što, bačycie, navat takija sivyja babry patraplajuć u pastku.
Chto taki Aksionaŭ
Da pierajezdu ŭ Varšavu Aksionaŭ byŭ kaardynataram arhkamiteta partyi «Biełaruskaja chryścijanskaja demakratyja» pa Mahileŭskaj vobłaści. Siłaviki zatrymlivali jaho ŭ mai i kastryčniku 2021 hoda. U kastryčniku aktyvista aryštavali na 10 sutak z-za reposta publikacyi TUT.by. U 2019 hodzie Aksionaŭ vyłučaŭsia ŭ deputaty pa Mahileŭska-Leninskim vybarčym učastku ad Abjadnanaj hramadzianskaj partyi. U 2013 hodzie KDB vyklikaŭ jaho na prafiłaktyčnuju hutarku i vynies papiaredžańnie za «dziejnaści ad niezarehistravanaj partyi». Tady aktyvist napisaŭ u kamitet skarhu, patrabujučy admianić papiaredžańnie, a hutarku pryznać niezakonnaj.
Čytajcie taksama:Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary