«Śpisy ŭdzielnikaŭ nie vialisia, atrymać ich nichto nie moh». Biełaruski moładzievy chab prakamientavaŭ situacyju z arhanizavanym KDB «sieminaram pa biaśpiecy»
Biełaruski moładzievy chab u Varšavie vydaŭ kamientar adnosna skandalnaj situacyi z «sieminaram pa biaśpiecy», jaki pravodziŭsia ŭ jaho pamiaškańni ŭ subotu, 18 listapada. Padčas hetaha mierapryjemstva vyjaviłasia, što na jaho arhanizacyju daŭ hrošy biełaruski KDB, a arhanizatar, aktyvist BCHD Aleh Aksionaŭ, supracoŭničaje z hetaj strukturaj, sam taho nie viedajučy, jašče ź viasny.
Biełaruski moładzievy chab tłumačyć situacyju adnosna svaich suviaziaŭ z Aleham Aksionavym:
«Hetaja asoba była vieryfikavanaja, u padazronych dziejańniach raniej zaŭvažanaja nie była. Da paŭsiadzionnaj dziejnaści Chaba Aleh Aksionaŭ dačynieńnia nie maje, dostupu da nijakaj infarmacyi nie atrymlivaŭ. Chab — adkrytaja placoŭka dla realizacyi prajektaŭ, sustreč i mierapryjemstvaŭ dla aktyvistaŭ i inicyjatyŭ. Na zapyt spadara Aksionava Chab daŭ zalu i techničnaje abstalavańnie dla praviadzieńnia iventu».
Pry hetym BMCH padkreślivaje:
«Mierapryjemstva było adkrytaje i publičnaje, na jaho moh pryjści luby achvotny biez rehistracyi i padačy piersanalnych danych. Anonsy byli źmieščanyja na roznych placoŭkach, u tym liku našych sacsietkach. Udzieł u takich mierapryjemstvach zakonny jak u Polščy, tak i ŭ Biełarusi».
Pry hetym:
«Śpisy ŭdzielnikaŭ nie vialisia, tamu i atrymać ich nichto, u tym liku prapahandysty, nie moh».
Dziejańni supracoŭnikaŭ Chaba, pavodle ich zapeŭnieńnia, adpaviadali instrukcyi biaśpieki, i jany majuć namier nadalej pravodzić jak adkrytyja, tak i zakrytyja mierapryjemstvy, «kłapociačysia pra dadatkovyja miery biaśpieki tam, dzie heta maje sens».
Adšukali čałavieka, jaki, mierkavana, pieravodziŭ hrošy Alehu Aksionavu ad KDB
«Pieršyja dźvie chviliny dumaŭ, što heta žart». Naviednik sieminara pa biaśpiecy, da jakoha dałučyŭsia KDB, raskazaŭ, što tam adbyvałasia
«Navat takija sivyja babry patraplajuć u pastku». Aleh Aksionaŭ patłumačyŭ, jak jaho raźvioŭ KDB
Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY4
Kamientary