Stała viadoma, kali pačnuć zabudoŭvać mikrarajon Zialony Bor pad Minskam
Tam budzie ŭźviedziena kala 4-4,5 młn kvadratnych mietraŭ žylla — vieličeznaja terytoryja.
Da zabudovy novaha mikrarajona Zialony Bor u Minsku płanujecca prystupić u 2025 hodzie, paviedamiŭ staršynia Minharvykankama Uładzimir Kucharaŭ na sustrečy z navučencami i vykładčykami Minskaha dziaržaŭnaha kaledža śfiery absłuhoŭvańnia, piša BiełTA.
«Pryniata rašeńnie ab budaŭnictvie novaha vialikaha mikrarajona Zialony Bor u Partyzanskim rajonie.Tam budzie ŭźviedziena kala 4-4,5 młn kv. m žylla — vieličeznaja terytoryja zabudovy. Prajektujem sietki, mikrarajon. Dumaju, u 2025 hodzie prystupim da intensiŭnaha budaŭnictva», — raspavioŭ Uładzimir Kucharaŭ.
Tut płanujecca prapanoŭvać kvatery dla tych, chto maje patrebu ŭ palapšeńni žyllovych umoŭ. Raźvićcio hetaj častki stalicy raźličana na 10-12 hadoŭ.
Vykładčyki kaledža pacikavilisia ŭ kiraŭnika horada, ci płanujecca budaŭnictva arendnaha žylla dla rabotnikaŭ biudžetnaj śfiery.
«Takoje žyllo zapatrabavanaje. Raspracavany prajekt damoŭ na vytvorčaj bazie «MAPID», i na vuł. Karžanieŭskaha ŭ hetym miesiacy zaviaršajecca ŭźviadzieńnie dvuch karpusoŭ na 1, 2 tys. miescaŭ dla miedycynskich rabotnikaŭ. Na nastupny hod unosić prapanovy Kamitet pa adukacyi. Płanujem pačać budaŭnictva jašče adnaho korpusa, i dalej štohod budziem uzvodzić takoje žyllo, kab zabiaśpiečyć usich achvotnych. Padtrymajem vykładčykaŭ», — raspavioŭ Uładzimir Kucharaŭ.
Jašče adno pytańnie datyčyłasia raniej ahučanych płanaŭ vynasu pradpryjemstvaŭ za rysu horada. Pavodle słoŭ kiraŭnika Minharvykankama, vytvorčaściaŭ, jakija b admoŭna adbivalisia na ekałohii, u Minsku ŭžo niama.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary