«Nie bajacca być saboj». Žurnalistka «Trybuny» Sabina Alijeva zrabiła kaminh-aŭt
Sabina Alijeva zrabiła kaminh-aŭt i nazvała svajo pieršaje kachańnie siarod žančyn, zaŭvažyŭ kanał Kułuary KYKY.
Sabina viadzie anhłamoŭny padkast Sabʼs Corner Podcast. U adzin z epizodaŭ jana paklikała baskietbalistku Kaciu Snycinu i spytała ŭ jaje:
— Ty nie suprać, kali ja raskažu, što my sustrakalisia?
— Viadoma, maja žonka viedaje pra heta. Atrymlivajecca, heta tvoj aficyjny kaminh-aŭt?
Sabina adkazała «tak» i dadała, što Kacia była pieršaj, chto prymusiŭ jaje zadumacca, što joj «padabajucca nie tolki chłopčyki».
Paśla Sabina napisała post u Instagram:
«Maje pieršyja adnosiny pastavili vielmi vysokuju płanku ŭ pieršuju čarhu dla mianie samoj. Hetyja adnosiny navučyli mianie, jak pa-sapraŭdnamu lubić i padtrymlivać nie tolki inšych, ale i siabroŭ, a taksama nie bajacca być saboj».
Sama Snycina nie tak daŭno paznajomiła biełarusaŭ sa svajoj žonkaj Nadziejaj Brodskaj — jaje aficyjny kaminh-aŭt zdaryŭsia ŭ šou Mikałaja Chalezina.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary