Fiestyval biełaruskich filmaŭ Bulbamovie ŭ Vilni. Tam pakažuć i stužku pra Mikałaja Łukašenku
Usie stužki karotkamietražnyja, nie bolš za 20 chvilin.
16 śniežnia (subota) u vilenskaj prastory CreateCulture Space adbudziecca pakaz konkursnych filmaŭ 9-ha fiestyvalu biełaruskich filmaŭ Bulbamovie, piša Reform.by.
Dyrektar viadomaha forumu Januš Haŭryluk padrychtavaŭ dla vilenskaj publiki admysłovuju prahramu karotkaha mietra aŭtaraŭ niezaležnaha biełaruskaha kino, dy taksama čakajecca premjera novaj stužki, nazva jakoj pakul trymajecca ŭ sakrecie.
U prahramie — i mantažnaja drama pra Mikałaja Łukašenku — «Matuzki» Paŭła Niadźviedzia, i amal «nuaraŭski» animacyjny bajavik «Kroŭ i karaokie» Juryja Siamaški, i mabilny tryler «Apošniaja načnaja źmiena» Maksima Švieda… I pieramožca karotkamietražnaha konkursu Kotbuskaha kinafiestyvalu ekzistencyjalnaja drama «Usio narmalna» Antona Žuka.
U miežach pakazu płanujucca i sustrečy z aŭtarami — na vilenskich hastrolach Bulbamovie abiacali być režysior Maksim Švied, aktor Pavieł Kryksunoŭ, režysior, mantažor Arciom Łobač, režysiorka Volha Zaharodnikava, ułasna, padźvižnik biełaruskaha kino, režysior, dyrektar fiestyvalu Bulbamovie Januš Haŭryluk.
Čas i miesca sustrečy: 16 śniežnia, 17.00, siadziba CreateCulture Space (vulica Karmelitu, 5).
Zarehistravacca na ivent možna tut.
Arhanizatarami mierapryjemstva źjaŭlajucca: Bulbamovie, DOC FILM_Belsat_TV i CreateCulture Space.
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha18
Kamientary