Sierhiejenka pra «ekstremisckija knihi»: Razmova pra źniščeńnie nie idzie
Kiraŭnik Administracyi Ihar Sierhiejenka siońnia ŭziaŭ udzieł u pasiadžeńni Respublikanskaha savieta pa histaryčnaj palitycy.
Naprykład, členy savieta abmierkavali raspracoŭku navučalnych prahram pa historyi biełaruskaj dziaržaŭnaści dla siaredniaj śpiecyjalnaj adukacyi i pa historyi Biełarusi ŭ kantekście suśvietnaj historyi dla 10-ch kłasaŭ, paviedamlaje BiełTA.
Asobnym punktam razhledzieli pytańni vydavieckaj dziejnaści, abmierkavali padychody Ministerstva infarmacyi da vyklučeńnia z prodažu vydańniaŭ, jakija «skažajuć histaryčnuju praŭdu, i ałharytm mižviedamasnaha ŭzajemadziejańnia pa kanfiskacyi ź biblijatečnych fondaŭ ekstremisckich vydańniaŭ».
Pry hetym kiraŭnik Administracyi Ihar Sierhiejenka rastłumačyŭ žurnalistam, što ŭ Biełarusi ŭžo daŭno pracuje kamisija, jakaja pryznaje tyja ci inšyja vydańni ekstremisckimi abo ekstremisckimi zaklikami. Tamu na pasiadžeńni adbyłosia pramiežkavaje padviadzieńnie vynikaŭ.
«I, moža być, naśpieła nieabchodnaść vypracavać niejkija inšyja miechanizmy. Razmova nie idzie pra fizičnaje źniščeńnie tych ci inšych vydańniaŭ», — dadaŭ jon.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary