Zialenski kantaktuje z kamandujučymi USU ŭ abychod Załužnaha, što pieraškadžaje tamu kamandavać armijaj — UP
Bolš za ŭsio hradus napružańnia pamiž prezidentam i hałoŭnakamandujučym padniaŭsia paśla pačatku kontrnastupleńnia na poŭdni. Rejtynh hałoŭnakamandujučaha Valeryja Załužnaha prytym raście, piša UP.
Pavodle krynic «Ukrainskaj praŭdy», Viarchoŭny hałoŭnakamandujučy Uładzimir Zialenski maje kantakty ź niekatorymi kamandujučymi USU ŭ abychod hałoŭnakamandujučaha Valeryja Załužnaha, što pieraškadžaje Załužnamu kamandavać usim vojskam.
«Razumiejecie, časam jość uražańnie, što Zialenski maje dva vidy USU: «dobryja», jakija ŭznačalvaje kamandujučy Suchaputnymi vojskami Alaksandr Syrski i inšyja favaryty, i «drennyja», jakija padparadkoŭvajucca Załužnamu. Heta vielmi dematyvuje hałoŭnakamandujučaha i hałoŭnaje — zaminaje kamandavać usim vojskam», — skazała krynica ź blizkaha atačeńnia Załužnaha.
Pavodle krynic UP, pramy kantakt z kamandujučymi paskaraje pracu dla prezidenta Ukrainy, ale destabilizuje pracu hałoŭnakamandujučaha USU, jaki daviedvajecca častku infarmacyi ad svaich farmalnych padnačalenych chiba što na staŭkach, kali daviedvajecca naohuł.
Bolš za ŭsio hradus napružańnia pamiž prezidentam i hałoŭnakamandujučym USU padniaŭsia paśla pačatku kontrnastupleńnia na poŭdni. Ofis prezidenta Ukrainy rehularna zakazvaje sacyjałohiju pa palityčnych nastrojach ukraincaŭ, i pakazčyki Załužnaha stabilna rastuć.
UP mieła mahčymaść aznajomicca z danymi daśledavańnia, praviedzienaha, ale nie apublikavanaha hrupaj «Rejtynh». I hałoŭny hrafik śviedčyć, što druhi tur Zialenski moža nie vyjhrać.
29 listapada vydańnie The Economist napisała, što paralelna sa zmročnaj realnaściu akopnaj vajny stanovicca ŭsio bolš napružanym «palityčnaje pole bitvy» u Kijevie, prezident Uładzimir Zialenski bačyć kankurenta ŭ hałoŭnakamandujučym USU Valeryi Załužnym, a palityčnaja hryźnia škodzić Ukrainie.
Čytajcie taksama:
«Nam treba rychtavacca da drennych navin» — Hienieralny sakratar NATA
Vajna va Ukrainie budzie biaskoncaj? Voś što miarkuje ekśpiert
Daniłaŭ: Ukraina maje šalonyja pośpiechi na Krymskim napramku
Zialenski nie ličyć situacyju na froncie patavaj, pieramoŭ i sastupak Rasii nie budzie
-
Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie
-
Syrski: Ukrainskija vojski ź siaredziny listapada zmahli viarnuć kantrol nad častkaj Pakroŭska i ciapier utrymlivajuć paŭnočnuju častku
-
ZŠA dali Zialenskamu dedłajn da Kaladaŭ, kab jon padpisaŭ mirny płan
Kamientary