«Nam treba rychtavacca da drennych navin» — Hienieralny sakratar NATA
Jens Stołtenbierh u intervju hiermanskamu telekanału Das Erste nazvaŭ situacyju z Ukrainaj krytyčnaj. «Ale my pavinny padtrymlivać Ukrainu jak u drennyja, tak i ŭ dobryja časy».
Na dumku Stołtenbierha, kanflikty raźvivajucca paetapna i siońniašniaja krytyčnaja situacyja va Ukrainie moža stać jašče horšaj, kali Zachad nie pavialičyć pastavak zbroi.
«Nam treba rychtavacca da drennych navin», — skazaŭ Stołtenbierh.
Kiraŭnik Paŭnočnaatłantyčnaha aljansu nie adkazaŭ na pytańnie, jak treba dziejničać Uzbrojenym siłam Ukrainy ŭ hetaj situacyi. Jon ličyć, što «pryniaćcie hetych składanych apieratyŭnych rašeńniaŭ» pavinny ažyćciaŭlać ukrainskija ŭłady.
U pačatku listapada hałoŭnakamandujučy ŭzbrojenymi siłami Ukrainy Valeryj Załužny pryznaŭ, što vajna zajšła ŭ tupik i bajavyja dziejańni mohuć abiarnucca zaciažnoj pazicyjnaj vajnoj.
Ź inšaha boku prezident Ukrainy Uładzimir Zialenski zajaviŭ, što z nadychodam zimy pačynajecca novaja stadyja rasijska-ŭkrainskaha kanfliktu.
«U nas novaja faza vajny, heta fakt. Zima jak novaja faza vajny. Ja b skazaŭ, što zimoj vojny viaducca nie tolki na linii frontu, ale i ŭnutry haradoŭ», — skazaŭ ukrainski lidar.
Zialenski taksama adznačyŭ, što chutkich vynikaŭ dasiahnuć nie ŭdajecca, adnak heta nie padstava dla adstupleńnia.
«Naša Niva» — bastyjon biełaruščyny
PADTRYMAĆCiapier čytajuć
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika3
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5656
Kamientary