«Skifskaje zołata» z krymskich muziejaŭ, jakoje adpraviłasia ŭ niderłandski muziej da anieksii paŭvostrava Rasijaj, pryvieźli ŭ Kijeva-Piačerskuju Łaŭru.
«Prosta zaraz hruzavik z 2 694 kh kulturnych kaštoŭnaściaŭ, viadomych pad ahulnaj nazvaj «Skifskaje zołata», zajechaŭ na terytoryju Kijeva-Piačerskaj Łaŭry, dzie ŭ skarboncy Nacyjanalnaha muzieja Ukrainy kijeŭskija mytniki zrobiać identyfikacyju skarbaŭ», — paviedamlaje RBK.
Pra toje, što muziej Ałarda Pirsana pieradaść kalekcyju Ukrainie, ukrainskaje Ministerstva kultury i infarmacyjnaj palityki paviedamiła 22 listapada. Viedamstva adznačyła, što muziej nie stanie spahaniać z Kijeva košt dzieviacihadovaha zachoŭvańnia ekspanataŭ.
Akruhovy sud Amsterdama vyrašyŭ pieradać kalekcyju Ukrainie ŭ 2016 hodzie. Rasija dvojčy sprabavała asprečyć hetuju pastanovu, ale sud pastanaviŭ, što artefakty naležać Ukrainie.
Skifskaje zołata — kalekcyja z 2 tysiač ekspanataŭ. Čatyry krymskija muziei pieradali jaje dla vystavy «Krym — załaty vostraŭ u Čornym mory» niderłandskamu muzieju Ałarda Pirsana ŭ lutym 2014 hoda da pačatku rasijskaj anieksii paŭvostrava.
Čytajcie taksama:
Skifskaje zołata z muzieja ŭ Mielitopali ŭsio ž paśpieli vyvieźci
Sud Amsterdama admoviŭsia viartać skifskaje zołata ŭ Krym
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary