Rada BNR uznaharodziła miedalami Laŭčuk, Hierasimieniu, niekalkich palitviaźniaŭ i vajaroŭ
U 103-ju hadavinu Słuckaha zbrojnaha čynu Rada BNR abviaściła pra novyja ŭznaharodžańni.
Miedalom Ordena Pahoni za zasłuhi ŭ baraćbie za volu i niezaležnaść Biełarusi ŭznaharodžanyja Alaksandra Hierasimienia, Marharyta Laŭčuk, a taksama čatyry asoby, čyje imiony nie publikujucca ź mierkavańniaŭ biaśpieki, u tym liku palityčnyja viaźni.
Jak vybitnyja hramadskija i kulturnickija dziejačy ŭznaharodžanyja piśmieńnik Alhierd Bacharevič, aŭtarka knihi pra dyskryminacyju biełaruskaj movy Alina Nahornaja, pazyŭny «Oksan».
Paśmiarotna ŭznaharodžany bajec atrada «Atam», jaki hieraična zahinuŭ na vajnie suprać rasijskich ahresaraŭ.
Miedal Ordena Pahoni ŭručajecca biełaruskim hramadzianam i zamiežnikam, jakija majuć asablivyja zasłuhi pierad biełaruskim narodam: asobam, jakija adznačylisia na nivie zmahańnia za volu i niezaležnaść Biełarusi, vybitnym hramadskim i kulturnickim dziejačam u Biełarusi i siarod biełaruskaha zamiežža, zamiežnikam, jakija daśledujuć i papularyzujuć Biełaruś u śviecie, a taksama inšym čynam spryjajuć nacyjanalnym intaresam Biełarusi.
Medalom BNR za bajavyja zasłuhi ŭznaharodžanyja šaściora bajcoŭ miedyčnaj słužby Pałka imia Kastusia Kalinoŭskaha (troje — asnoŭnymi miedalami i troje — aficerskimi), a taksama adzin bajec śpiecpadraździaleńnia Uzbrojenych siłaŭ Ukrainy, biełarus, vychavaniec «Biełaha lehijona» (aficerskim miedalom).
Ciapier čytajuć
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary