Najbolšaj simpatyjaj u apytanych karystajucca amierykancy. 72% respandentaŭ staviacca da ich stanoŭča, da ŭkraincaŭ — 53%.
Da biełarusaŭ pazityŭna staviacca 35% palakaŭ, niehatyŭna — 29%, a abyjakavymi zastajucca 36%. Pra heta śviedčyć apytańnie, praviedzienaje kampanijaj IBRiS dla partała Onet, piša Reform.by.
Daśledavańnie staviła metaj daviedacca ŭ palakaŭ, jak jany staviacca da tych ci inšych nacyjanalnaściej, i paraŭnać ich z vynikami apytańniaŭ minułych hadoŭ (u tym liku niepasredna pierad rasijskim uvarvańniem va Ukrainu).
Vyznačana stanoŭča, pavodle apytańnia, staviacca da biełarusaŭ 8% respandentaŭ, a 27% — «chutčej stanoŭča». Rašuča niehatyŭna nastrojenyja 11%, a 18% — chutčej niehatyŭna.
U samym kancy śpisu — rasiejcy. Ab stanoŭčym staŭleńni da ich zajavili tolki 13% respandentaŭ. Hety adsotak źnižajecca hod ad hoda: kali jašče ŭ 2020 hodzie bolš za pałovu palakaŭ stanoŭča stavilisia da rasiejcaŭ, to niepasredna pierad pačatkam vajny hety pakazčyk źniziŭsia da 36%, a adrazu paśla ŭvarvańnia va Ukrainu — da 22%.
Najbolšaj simpatyjaj u apytanych karystajucca amierykancy. 72% respandentaŭ staviacca da ich stanoŭča. Heta krychu mienš, čym adrazu paśla pačatku vajny, ale bolš, čym u papiarednija hady. Niehatyŭna staviacca da amierykancaŭ tolki 2% respandentaŭ.
Miescy na pjedestale honaru zajmajuć čechi (63%) i słavaki (62%). Tut taksama praktyčna nie ŭźnikaje pytańnia ab niehatyŭnych pačućciach. Čechi nie padabajucca tolki 5% apytanych, słavaki — 2%.
Dalej iduć šviedy (60%), litoŭcy (58%), brytancy (57%), japoncy (55%) i francuzy (54%).
Za imi iduć ukraincy. Siońnia 53% respandentaŭ staviacca da svaich uschodnim susiedziam ź simpatyjaj. Heta bolš, čym niepasredna pierad vajnoj (tady było 48%), ale mienš, čym adrazu paśla jaje pačatku (tady było 64%). 20% adčuvajuć da ich niehatyŭnyja pačućci.
Niemcaŭ stanoŭča aceńvajuć 49% apytanych. 25% prytrymlivajucca procilehłaha punktu hledžańnia, i tolki 4% zajavili ab «rezka admoŭnym» staŭleńni da ich.
U paraŭnańni ź minułym hodam, usio bolš ludziej kažuć, što simpatyzujuć niemcam — u pačatku minułaha hoda hety pakazčyk składaŭ 46%, a paśla pačatku vajny, kali Bierlin krytykavali za marudlivaść u akazańni dapamohi Ukrainie, jon źniziŭsia da 41%.
Tolki 23% respandentaŭ staviacca stanoŭča da arabaŭ (41% — admoŭna). Za apošnija niekalki hadoŭ niepryjaznaść prykmietna ŭzmacniłasia: jašče ŭ minułym hodzie ab niehatyŭnym staŭleńni da ich zajaŭlali mienš za 30% respandentaŭ.
Apytańnie było praviedzienaje 27-28 kastryčnika na reprezientatyŭnaj hrupie sa 1100 čałaviek z dapamohaj standartyzavanaha kampjutarnaha telefonnaha ankietnaha intervju (CATI).
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary
Kudy ni biažy,
I tut ty čužy,
I tam ty čužy.”
Lavon Volski
I čto ja vižu… staťju opros iz strany vysokoj demakratyi))) ob otnošienii k ludiam ))) kotoroje javno składyvajets iz tielika…))
I chto urot??)) i hdie propahanda?? Ona viezdie