Vice-premjer Piatro Parchomčyk na sumiesnym pasiadžeńni abiedźviuch pałat Nacyjanalnaha schodu paviedamiŭ, što biełaruska-kitajski aŭtamabilny zavod «BiełDžy» ŭ listapadzie ŭžo vykanaŭ hadavoje zadańnie pa vytvorčaści aŭtamabilaŭ, piša Myfin.by.
Pavodle słoŭ Parchomčyka, płan dla «BiełDžy» na 2023 hod byŭ vyznačany na ŭzroŭni 60 tys. mašyn, adnak pa stanie na ciapier z kanviejera syšło ŭžo 60199 novych aŭto.
Biahučyja pakazčyki «BiełDžy» bolš čym u dva razy vyšejšyja za ŭzrovień 2022 hoda — tady za 12 miesiacaŭ było vypuščana ŭsiaho kala 25 tys. aŭtamabilaŭ. Pry hetym, pa słovach čynoŭnika, u zavoda nibyta jość pierśpiektyvy dla naroščvańnia vytvorčaści da 120 tys. mašyn u hod.
Jak śćviardžaje Parchomčyk, 59982 vyrablenych aŭtamabilaŭ užo ŭdałosia realizavać, pryčym 80% ź ich pajšli ŭ Rasiju. Takim čynam, na Biełaruś i inšyja krainy prypała kala 12 tys. pradadzienych mašyn.
U vieraśni hiendyrektar «BiełDžy» Hienadź Śvidzierski zajaviŭ, što dziakujučy vysokamu popytu na pradukcyju zavod čakaje, što da kanca 2023 hoda jahonyja prodažy ŭ Biełarusi dasiahnuć 13 tys. mašyn, heta značyć vyrastuć u try razy ŭ paraŭnańni z vynikami 2022 hoda.
Kamientary
Vied́ niet altiernativy kitajskomu avtochłamu, choť džili naiboleje približien k normalnomu avtomobilu, ostalnoje, čto prichodit na rynok RF i RB - AVTOCHŁAM po cienie normalnoho avtomobila.
No pokupať budut, vied́ vybora niet.