Minzdaroŭja ŭziałosia za pryvatnuju stamatałohiju — z novaha hoda ceny na lačeńnie zuboŭ abiacajuć źnizić na 30-40%
«Pryniata kardynalnaje rašeńnie pa źnižeńni nieabhruntavana vysokich taryfaŭ na stampasłuhi», — tak anansuje Ministerstva achovy zdaroŭja svaje dziejańni na rynku stamatałahičnych pasłuh. Novaja pastanova ŭstupić u siłu z novaha hoda.
Jak paviedamlaje viedamstva, pa vynikach kantrolnych mierapryjemstvaŭ letam 2023 hoda byli vyjaŭleny «nieabhruntavana vysokija taryfy» na stamatałahičnyja pasłuhi, jakija ŭstanaŭlivajucca asobnymi pryvatnymi klinikami. Tamu Minzdaroŭja było pryniata rašeńnie pa pašyreńni cenavaha rehulavańnia na stamatałahičnyja pasłuhi — kali raniej rehulavalisia artapiedyčnyja i zubatechničnyja pasłuhi, to ciapier uviedziena rehulavańnie jašče na terapieŭtyčnyja, chirurhičnyja i, artadantyčnyja pasłuhi.
Minzdaroŭja raspracavany prajekt pastanovy i instrukcyi, u jakich ustanoŭleny maksimalnyja taryfy na hetyja vidy pasłuh. Ciapier arhanizacyi, niezaležna ad vidu ŭłasnaści, nie mohuć ustanaŭlivać svaje taryfy vyšej za ŭstanoŭlenyja pastanovaj. Pastanova Ministerstva achovy zdaroŭja ŭstupić u siłu da kanca 2023 hoda.
Paśla ŭviadzieńnia novych cen, pasłuha «vydaleńnie małočnaha zuba» ŭ siarednim stanie tańniejšaj na 33%, (było 127 rub., stanie 85,60 rub.), «składanaje vydaleńnie» — na 42%, (było 479 rub., stanie 278 rub.), «lačeńnie siaredniaha karyjesu» — na 47% (było 163 rub., stanie 86,40 rub.), prahnazuje Minzdaroŭja.
«Uviadzieńnie takoha rehulavańnia abumoŭlena nieabchodnaściu pavyšeńnia dastupnaści płatnych stampasłuh dla nasielnictva Respubliki Biełaruś», — davodzić viedamstva.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary