Padletak z Maryupala, jakoha vyvieźli z Rasii i chacieli zabrać u rasijskaje vojska, viarnuŭsia dadomu
Ukrainski chłopiec Bahdan Jarochin viarnuŭsia dadomu, jon užo va Ukrainie, pobač sa svajoj siastroj, napisaŭ kiraŭnik Ofisa prezidenta Ukrainy Andrej Jarmak.
Siońnia Bahdanu spoŭniłasia 18 hod.
Jarmak padziakavaŭ za dapamohu dziaržavie Katar i mižnarodnaj arhanizacyi JUNISIEF.
Raniej źjaviłasia infarmacyja, što Bahdana pryvieźli ŭ Biełaruś.
Bahdan Jarmochin u 8 hadoŭ straciŭ abodvuch baćkoŭ. Da pačatku poŭnamaštabnaj vajny jon vučyŭsia ŭ mietałurhičnym kaledžy ŭ Maryupali. U jaho jość starejšaja siastra, jakaja była jahonym apiekunom.
Paśla taho, jak Maryupal pierajšoŭ pad kantrol rasijan, Jarmochina vyvieźli na terytoryju RF i pieradali ŭ pryjomnuju siamju ŭ Padmaskoŭje.
U sakaviku 2023 hoda Jarmochin pasprabavaŭ uciačy z Rasii va Ukrainu, adnak supracoŭniki rasijskich śpiecsłužbaŭ spynili jaho niedaloka ad miažy ź Biełaruśsiu.
Rasijski ambudsmen Maryja Lvova-Białova śćviardžała, što adbyłasia pravakacyja i što Jarmochina «sprabavali vyciahnuć na terytoryju Ukrainy z dapamohaj manipulacyj i pahroz».
U listapadzie stała viadoma, što Jarmochina vyklikajuć u padmaskoŭny vajenkamat u śniežni 2023 hoda, kali jamu spoŭnicca 18 hadoŭ.
Padletak zapisaŭ zvarot da prezidenta Ukrainy Uładzimira Zialenskaha z prośbaj dapamahčy jamu viarnucca va Ukrainu.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary