«Dzikaje palavańnie karala Stacha» — pieramožca Nacyjanalnaj teatralnaj premii. Paśla 2020-ha z opiery prybrali repliku «Raman, vychodź!»
Cyrymonija ŭznaharodžańnia pieramožcaŭ VII Respublikanskaha konkursu teatralnaha mastactva «Nacyjanalnaja teatralnaja premija» prajšła na scenie Kupałaŭskaha teatra ŭ Minsku, piša Radyjo Svaboda.
Pieramožcam u naminacyi «Śpiektakl dla dziaciej i junactva» stała opiera Vialikaha teatra Biełarusi «Historyja Kaja i Hierdy (Śniežnaja karaleva)», u naminacyi «Najlepšy śpiektakl teatra lalek» — «Zapiski junaha doktara» Biełaruskaha dziaržaŭnaha teatra lalek. U naminacyi «Najlepšy śpiektakl u žanry apiereta, muzyčnaja kamiedyja, miuzikł» pieramohu atrymała rok-opiera «Hraf Monte-Krysta» Nacyjanalnaha akademičnaha dramatyčnaha teatra imia Maksima Horkaha, u naminacyjach «Najlepšy opierny śpiektakl» i «Najlepšy baletny śpiektakl» pieramožcami stali «Dzikaje palavańnie karala Stacha» i «Don Kichot» Vialikaha teatra Biełarusi. U naminacyi «Najlepšy śpiektakl teatra dramy dla vialikaj sceny» pieramohu atrymaŭ śpiektakl «Idyjot» Nacyjanalnaha akademičnaha dramatyčnaha teatra imia Maksima Horkaha.
U vieraśni 2023 hoda na scenie łondanskaha teatra Barbican adbyłasia najbujniejšaja biełaruskaja teatralnaja premjera sioletniaha hodu — opiera «Dzikaje palavańnie karala Stacha» biełaruskaha Svabodnaha teatra ŭ pastanoŭcy Mikałaja Chalezina i Natalli Kalady. Kampazitarka — Volha Padhajskaja.
U biełaruskim Vialikim teatry opiera «Dzikaje palavańnie karala Stacha» pavodle histaryčnaha detektyva Uładzimira Karatkieviča była stvoranaja ŭ 1989 hodzie kampazitaram Uładzimiram Sołtanam.
Aŭtar libreta da łondanskaj pastanoŭki Andrej Chadanovič u intervju Svabodzie źviartaŭ uvahu na toje, što ŭ pastanoŭcy opiery pavodle «Dzikaha palavańnia karala Stacha», jakaja idzie na scenie opiernaha teatru ŭ Miensku, u 2021 prybrali niekatoryja repliki:
— U Biełarusi z cenzurnych pryčynaŭ sa sceny źnikli repliki «Raman, vychodź!» (kali kryčyć dzikaje palavańnie). Ci to tamu, što Ramana Pratasieviča vyciahnuli z samalota, ci to tamu, što Raman Bandarenka napisaŭ «Ja vychodžu» i nazaŭždy vyjšaŭ u dvor płoščy Pieramienaŭ.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary