Biełarusy — lidary siarod pracaŭładkavanych u Litvie inšaziemcaŭ u 2023 hodzie
Za dzieviać miesiacaŭ biahučaha hoda ŭ kampanijach krainy pačali pracavać amal 62 000 zamiežnikaŭ. Pavodle źviestak słužby zaniataści, heta bolš, čym za ŭvieś 2022 hod, kali ŭsiaho było pracaŭładkavana 61 400 zamiežnikaŭ, piša Delfi.lt.
Pieršyja pazicyi pa pracaŭładkavańni zajmajuć kiroŭcy transpartnych srodkaŭ mižnarodnaha hruzavoha transpartu. Ich 22 100, i jany składajuć 36% usich imihrantaŭ (u minułym hodzie — 26%). Taksama sioleta litoŭski rynak pracy papoŭnili 946 zvarščykaŭ, 781 bietonščyk, 574 haza– i elektrazvarščykaŭ, 569 kiroŭcaŭ hruzavikoŭ, 558 prybiralščykaŭ, 501 elektryk, 410 tynkoŭščykaŭ, 408 kucharaŭ i 399 niekvalifikavanych rabotnikaŭ haspadarak.
Adznačajecca, što najbolšaja kolkaść pracaŭładkavanych prybyła ź Biełarusi (18 400) i Ukrainy (15 900). Bolš za 10 000 pryjechali z roznych krain Siaredniaj Azii, 1 400 — z Rasii.
Pry hetym słužba zaniataści fiksuje, što ŭ dva z pałovaj razy skaraciłasia kolkaść dakumientaŭ, jakija vydajucca dla pracaŭładkavańnia hramadzian trecich krain. Za dzieviać miesiacaŭ pracadaŭcami ich vydadziena 3200, letaś — 8400. Hieahrafija inšaziemcaŭ u śfiery dazvołaŭ na pracu skaraciłasia z 47 da 36 krain, adnak kolkaść tych, chto padaŭ zajaŭki na rašeńni ab adpaviednaści pracy zamiežnika patrebam rynku pracy, pavialičyłasia z 52 da 55 krain.
Pieravažajuć i tut hramadzianie Biełarusi, jakim vydadziena bolš za ŭsio dakumientaŭ dla pracy (35%).
Vialikaja kolkaść rašeńniaŭ pryniata dla hramadzian Uźbiekistana (13%) i Banhładeš (10%), a taksama dazvołaŭ na pracu dla hramadzian Ukrainy (9%), Kyrhyzstana i Indyi (pa 7%).
«U miesiac — bolš za 2 tysiačy jeŭra». Dalnabojnica ź Minska raskazała, jak možna zarabić takija hrošy, pra siamiejny tandem i pryhody ŭ Jeŭropie
«Miažu pierasiek u niejkim lasočku». Biełarus źjeździŭ u Jeŭropu na matacykle, nie stojačy ŭ čerhach
«Chacieŭ ubačyć śviet na svaje vočy — i lubujusia pryhažościu samych roznych krain śvietu». Biełarus-dalnabojnik raskazaŭ pra ramantyku i budzionnaść jeŭrapiejskich daroh
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?4
Kamientary