Byłomu kiraŭniku Viciebska znajšli novuju pracu — daručyli cyrulni i rytualnyja kramy
Staršyniu Viciebskaha harvykankama Mikałaja Arłova źniali z pasady ŭ vieraśni, pakul toj byŭ u Hielendžyku.
Ciapier Arłoŭ pryznačany dyrektaram AAT «Mir usłuh Plus», paviedamlaje haradskaja hazieta «Viťbiči». Hetaje akcyjaniernaje tavarystva abjadnoŭvaje ŭstanovy, jakija akazvajuć bytavyja pasłuhi. Ź ich 90% — cyrulni, jašče ŭ skład arhanizacyi ŭvachodziać 3 fotastudyi, 4 punkty prakatu i 3 rytualnyja kramy.
Pavodle pieršaj adukacyi Mikałaj Arłoŭ — nastaŭnik matematyki, ale pa hetaj śpiecyjalnaści jon pracavaŭ tolki dva hady, potym staŭ namieśnikam dyrektara pa vychavaŭčaj pracy ŭ adnoj ź viciebskich škoł. U 1998 hodzie pierajšoŭ pracavać u viciebskaje adździaleńnie BRSM. U 2002 hodzie jaho pryznačyli kiraŭnikom siektara pa spravach moładzi ŭ Viciebskim harvykankamie. U 2005 hodzie Arłoŭ staŭ načalnikam adździeła adukacyi administracyi Kastryčnickaha rajona Viciebska. U 2009-m byŭ pryznačany kiraŭnikom administracyi Pieršamajskaha rajona Viciebska. Za hety čas jon paśpieŭ atrymać jašče dva dypłomy — Viciebskaha technałahičnaha ŭniviersiteta i Akademii kiravańnia.
U červieni 2021 hoda Alaksandr Łukašenka ŭzhadniŭ kandydaturu Mikałaja Arłova na pasadu staršyni Viciebskaha harvykankama, a 25 vieraśnia 2023 hoda źniaŭ ź jaje, davieryŭšy post haradskoha kiraŭnika byłomu staršyni Viciebskaha rajvykankama Hienadziu Sabyniču.
Mikałaj Arłoŭ u toj čas byŭ u pracoŭnaj pajezdcy — braŭ udzieł va ŭračystaściach u Hielendžyku, pryśviečanych 14-hodździu partniorskich stasunkaŭ ź Viciebskam. Paźniej na svajoj staroncy ŭ instagram jon raźmiaščaŭ fotazdymki z Čarnamorskaha ŭźbiarežža z chešteham #otpusk i zapisami pra toje, jak jon bačyŭ delfinaŭ i vudziŭ staŭrydu. Za što jon byŭ pazbaŭleny pasady, žycharam Viciebska nie paviedamlali.
Darečy, jaho papiarednik Vadzim Zarankin, jaki adpracavaŭ staršynioj harvykankama kala hoda, paśla źmiaščeńnia byŭ taksama nakiravany ŭ śfieru bytavoha absłuhoŭvańnia nasielnictva — jaho pryznačyli dyrektaram sietki chimčystak i pralniaŭ «Abjadnańnie «Łotas». Zvalnieńnie Zarankina ŭ Viciebsku źviazvajuć z tym, što dva jahonyja syny ŭdzielničali i byli zatrymanyja padčas pratestaŭ u 2020 hodzie.
Zaviali kryminalnuju spravu adnosna parušeńnia pravił vytvorčaj biaśpieki na «Viciebskdrevie»
U Połackim univiersitecie prajšoŭ «Dzień vybaru prafiesii». Vybar niešyroki
U Viciebsku adznačyli 400-hodździe pakutnickaj śmierci śviatoha Jazafata Kunceviča i padviali vyniki litaraturna-mastackaha konkursu
Hadzińnik žychara Viciebska z «Tytanika» pradali na aŭkcyjonie
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny22
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary