Pamior astranaŭt Frenk Borman, jaki pieršym ablacieŭ vakoł Miesiaca
Palot «Apałon-8» staŭ vielizarnym pośpiecham dla NASA i padrychtavaŭ hlebu dla vysadki amierykancaŭ na Miesiac, jakaja adbyłasia ŭžo ŭ 1969-m hodzie.
U ZŠA va ŭzroście 95 hadoŭ pamior Frenk Borman, kamandzir kaśmičnaha karabla «Apałon-8», jaki ŭ 1968-m hodzie ździejśniŭ histaryčnuju misiju da Miesiaca, paviedamlaje RTVi.
Astranaŭt pamior 7 listapada ŭ Bilinhsie, štat Mantana, paśla pieraniesienaha insultu ŭ domie sastarełych, paviedamiŭ pradstaŭnik siamji Bormana.
Svoj pieršy palot u kosmas uradženiec štata Indyjana ździejśniŭ u 1965-m hodzie. U jakaści kamandzira «Džemini-7» Borman daśledavaŭ mahčymaści stykoŭki dvuch kaśmičnych karabloŭ u kosmasie. Adnačasna ekipaž Bormana ŭstanaviŭ rekord praciahłaści na toj momant kaśmičnych palotaŭ. «Džemini-7» pravioŭ u kosmasie 14 sutak.
Adnak, bolš viadomy druhi kaśmičny palot Bormana. U śniežni 1968-ha hoda ŭznačalenaja im misija «Apałon-8», u składzie jakoj taksama byli Džejms Łovieł i Uiljam Anders, ździejśniła pieršy arbitalny ablot Miesiaca.
Astranaŭty ździejśnili 10 vitkoŭ vakoł Miesiaca, staŭšy pieršymi ludźmi, jakija ŭbačyli advarotny bok naturalnaha spadarožnika Ziamli.
Palot «Apałon-8» staŭ vielizarnym pośpiecham dla NASA i padrychtavaŭ hlebu dla vysadki amierykancaŭ na Miesiac, jakaja adbyłasia ŭžo ŭ nastupnym 1969-m hodzie.
Sam ža Borman, jaki staŭ papularnym paśla paśpiachovaj misii da Miesiaca, u lipieni 1969-ha hoda źlotaŭ u Saviecki Sajuz. Astranaŭt naviedaŭ Zorny haradok i abmiarkoŭvaŭ z savieckimi lidarami arhanizacyju sumiesnaj saviecka-amierykanskaj misii da Miesiaca, jakaja tak i nie adbyłasia.
U 1970-m hodzie Borman zvolniŭsia z NASA ŭ zvańni pałkoŭnika. Zatym jon pracavaŭ vice-prezidentam avijakampanii Eastern Air Lines, pisaŭ miemuary, vystupaŭ na telebačańni. Paśla śmierci savieckaha kasmanaŭta Anatola Filipčanki ŭ žniŭni 2022 hoda va ŭzroście 94 hadoŭ, Borman zastavaŭsia najstarejšym z žyvych ludziej, jakija pabyvali ŭ kosmasie.
Ciapier čytajuć
Bližejšym časam buduć vyzvaleny bolš za 150 palitźniavolenych13
Kamientary