CHAMAS zajaviŭ pra hatoŭnaść da kampramisu pa vyzvaleńni zakładnikaŭ
U CHAMAS hatovyja vyzvalić izrailskich zakładnikaŭ u abmien na vyzvaleńnie Izrailem paleścinskich źniavolenych, zajaviŭ pradstaŭnik hrupoŭki Hazi Chamad. Pavodle źviestak Tel-Aviva, CHAMAS utrymlivaje nie mienš za 240 čałaviek u siektary Haza, piša RBK.
«My chočam, kab hetyja ludzi viarnulisia dadomu. I, akramia taho, my chočam, kab našy źniavolenyja ciapier adpravilisia dadomu. Tamu ja dumaju, što ciapier my hatovyja pajści na kampramis», — skazaŭ jon.
Pavodle jaho, havorka idzie pra vyzvaleńnie jak cyvilnych asobaŭ, tak i vajskoŭcaŭ.
Chamad taksama zaklikaŭ Izrail spynić «ahresiju» suprać paleścinskaha naroda, ź jahonych słoŭ, paśla hetaha baki zmohuć razmaŭlać ab vyzvaleńni zakładnikaŭ i źniavolenych.
Pry hetym pradstaŭnik CHAMAS padkreśliŭ, što hrupoŭka maje namier «praciahvać [baraćbu] suprać akupacyi», pakolki na heta jość «zakonnaje prava».
AAN u lipieni paviedamlała, što ŭ izrailskich turmach znachodziacca 5 tysiač paleścincaŭ, u tym liku 160 dziaciej, prykładna 1100 ź ich byli zatrymanyja biez vystaŭleńnia abvinavačvańniaŭ abo suda.
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać15
Kamientary
Dla cyvilizavanaha śvietu heta nie stanie niečym niepadjomnym, bo hetyja darmajedy i tak isnujuć za košt ES i inšych krain. Dyk chaj hetyja hrošy pojduć na błahija spravy, a nie na teror
Armija Izraila pošła osvoboždať 200 załožnikov, a v itohie ubiła užie bolšie 2 tysiač dietiej, i eto jeŝie nie koniec.
Vajna skončycca, kali palestyncy pačnuć lubić svaich dziaciej bolš, čym jany nienavidziać Izrail.