Polšča spyniła vydaču humanitarnych viz, adnosna jakich chadajničaŭ Biełaruski dom u Varšavie
Z pačatku 2023 hoda pa chadajnictvie Biełaruskaha doma ŭ Varšavie 1507 čałaviek atrymali polskija humanitarnyja vizy, adnak ź vieraśnia hety praces spyniŭsia, paviedamiŭ «Pozirku» kiraŭnik arhanizacyi Aleś Zarembiuk.
Pavodle słoŭ Alesia Zarembiuka, raniej u vypadku harantyj Biełaruskaha doma ŭ Varšavie
humanitarnaja viza vydavałasia paciarpiełym ad represij biełarusam na praciahu dvuch tydniaŭ — paŭtara miesiacaŭ. Adnak z pačatku vosieni nie zadavolena anivodnaha sa 188 chadajnictvaŭ, padadzienych u Ministerstva zamiežnych spraŭ Polščy.
Paśla parłamienckich vybaraŭ, jakija prajšli ŭ Polščy 15 kastryčnika, Biełaruski dom u Varšavie, jak śćviardžaje Zarembiuk,
atrymaŭ z MZS «nieaficyjnuju infarmacyju» ab tym, što konsulski adździeł viedamstva prypyniŭ vydaču humanitarnych viz u čakańni «novych rekamiendacyj». Hetyja rekamiendacyi, vierahodna, budzie davać užo novy polski ŭrad.
Zarembiuk padkreśliŭ, što Biełaruski dom spryjaŭ u atrymańni vizaŭ, zychodziačy z vyraznych kryteryjaŭ:
«My dapamahali tolki paciarpiełym ad represij, čalcam ich siemjaŭ abo tym, kamu niebiaśpiečna znachodzicca ŭ Biełarusi. Heta patrabavałasia dakazać, padaŭšy albo dakumienty, jakija paćviardžajuć fakt represij, albo fota zajaŭnika z pratestaŭ, albo dźvie rekamiendacyi ad viadomych ludziej, jakija mahli b apisać prablemu i harantavać fakty represij.
Usiaho ŭ 2023 hodzie da nas źviarnulisia 2642 čałavieki z adpaviednym chadajnictvam. Takim čynam, bolš za tysiaču čałaviek nie zmahli dakazać pahrozu z boku biełaruskich uładaŭ abo fakt represij».
Ciapier, dadaŭ Zarembiuk, biełarusam, jakija majuć patrebu ŭ humanitarnych polskich vizach, možna rekamiendavać adno — čakać.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary