Pacyjent, jaki adčuvaje niedamahańnie, i pry adsutnaści pavyšanaj tempieratury moža atrymać balničny, raspavioŭ hałoŭny doktar Bresckaj abłasnoj kliničnaj balnicy Alaksandr Karpicki, piša BiełTA.
Jon paćvierdziŭ, što vonkavyja prykmiety — ślozaciačeńnie, zakładzienaść nosa, pačyrvanieńnie horła — źjaŭlajucca padstavaj dla taho, kab balničny byŭ vydadzieny navat u tym vypadku, kali ŭ pacyjenta niama pavyšanaj tempieratury. «Tempieratura — heta adzin ź simptomaŭ, jaki byvaje pry prastudnych, virusnych zachvorvańniach», — skazaŭ Alaksandr Karpicki.
Kamientujučy mierkavańnie ab tym, što rabotniku vydajuć balničny tolki pry najaŭnaści pavyšanaj tempieratury, jon zaŭvažyŭ, što nijakich instrukcyj dziejničać takim čynam u miedykaŭ niama.
«Pačynajučy sa studenckaj łavy i dalej padčas pracy nichto pra heta nie kaža. Mabyć, u narodzie isnuje takoje mierkavańnie», — zaŭvažyŭ jon.
Razam z tym, praciahnuŭ Alaksandr Karpicki, časam na pryjom da doktara prychodziać niesumlennyja pacyjenty, i heta taksama treba razumieć. Kali doktar bačyć, što pacyjent simuluje, jon spytaje ŭ jaho pra tempieraturu.
Pieršy namieśnik načalnika Hałoŭnaha ŭpraŭleńnia pa achovie zdaroŭja Minskaha abłvykankama Zinovij Hozman zaŭvažyŭ, što pry vydačy listkoŭ niepracazdolnaści situacyi razhladajucca indyvidualna.
«Listok niepracazdolnaści dajecca i pa kliničnych, i pa epidemijałahičnych pakazańniach», — adznačyŭ jon.
U takich vypadkach miedyki mohuć pacikavicca, kim pracuje pacyjent. Adna sprava, kali heta ajcišnik, jaki pracuje dystancyjna z domu, inšaja sprava — vychavalnik u dziciačym sadku, jakomu balničny, vidavočna, patrebny, kab vylečycca i nie zaražać u hety čas dziaciej.
«Kali pacyjent adčuvaje, što jon chvory, i jamu nie vydajuć listka niepracazdolnaści, čamu jon nie źviartajecca da zahadčyka adździaleńnia abo da načmieda palikliniki? — zadaŭsia pytańniem Zinovij Hozman. — U nas časta pacyjenty pišuć adrazu ŭ Ministerstva achovy zdaroŭja. A pytańnie vyrašajecca vielmi prosta. Zahadčyki adździaleńniem — heta najbolš kvalifikavanyja daktary, jakija vyrašajuć takija situacyi».
Pry niedamahańni z vysokaj tempieraturaj Ministerstva achovy zdaroŭja rekamienduje nie naviedvać ambułatorna-palikliničnuju słužbu, a vyklikać doktara na dom, pry vostrych vypadkach — chutkuju miedycynskuju dapamohu, dadaŭ namieśnik ministra achovy zdaroŭja, hałoŭny dziaržaŭny sanitarny doktar Biełarusi Alaksandr Tarasienka.
«Miedycynskaja dapamoha budzie akazana ŭsim», — skazaŭ jon.
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy6
Kamientary