U prahramie ź biełaruskimi karaniami dla žančyn źjaviŭsia funkcyjanał dla mužčyn
Paviedamlajecca, što funkcyjanał dla mužčyn dapamoža im lepš razumieć svaich partniorak-žančyn.
U papularnaj prahramie dla žanočaha zdaroŭja Flo źjaviłasia mužčynskaja častka — Flo for Partners, na heta źviarnuŭ uvahu Office Life.
Paviedamlajecca, što funkcyjanał dla mužčyn dapamoža im lepš razumieć svaich partniorak-žančyn, u tym liku daviedacca bolš pra žanočaje zdaroŭje, źmieny ŭ žanočym arhaniźmie ŭ pieryjad ciažarnaści i inšuju karysnuju infarmacyju.
Pradstaŭniki Flo praviali ŭ ZŠA apytańnie siarod 1,8 tys. mužčyn va ŭzroście ad 18 da 50 hadoŭ. Vyśvietliłasia, što mužčyny nie majuć ujaŭleńnia ab šmatlikich pracesach, jakija adbyvajucca z žančynami, i nieparazumieńnie pamiž parami niehatyŭna ŭpłyvaje na ich adnosiny.
Adnačasova apytali 2,1 tys. žančyn va ŭzroście 18-45 hadoŭ. Kožnaja druhaja z tych, chto choča zavieści dzicia, adznačała, što razumieńnie partnioram niuansaŭ žanočaha zdaroŭja tolki ŭmacuje ich emacyjnuju suviaź. Heta pryviadzie da źnižeńnia stresu padčas ciažarnaści.
Raspracoŭščyki Flo for Partners ličać, što novy funkcyjanał dazvolić mužčynam pavysić uzrovień svajoj seksualnaj adukacyi i palepšyć adnosiny z partniorkami.
Dla atrymańnia dostupu da Flo for Partners karystalnik-mužčyna pavinien ustalavać na svoj hadžet prahramu Flo i ŭvieści ŭnikalny kod, dadzieny jaho partniorkaj. U luby momant u karystalnikaŭ jość mahčymaść spynić abmien danymi.
Flo Health, jaki za apošnija hady pryciahnuŭ niekalki dziasiatkaŭ miljonaŭ dalaraŭ ad vienčurnych inviestaraŭ, ličycca adnym z samych paśpiachovych startapaŭ u historyi biełaruskaj IT-haliny.
U kancy minułaha hoda stała viadoma, što Flo likviduje biełaruskuju jurydyčnuju asobu.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy33
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary