«Tonus — jon ža i ŭ mazhach taksama». Pahladzicie, jak vyhladaje 67-hadovy eks-futbalist Ludas Rumbucis
Vydańnie Bet.news nadrukavała intervju z byłym viadomym futbalistam minskaha «Dynama», a paśla paśpiachovym trenieram Ludasam Rumbucisam. Siarod inšaha pry im apublikavali i fota, ź jakoha vynikaje, što fizičnaj formie, u jakoj ciapier znachodzicca Rumbucis, jaki praź miesiac adśviatkuje 68-hodździe, možna tolki pazajzdrościć.
«Adbiehać tajm ci dva na amatarskim uzroŭni — čamu b i nie? Hod tamu ja tak i rabiŭ, čaściakom hulajučy za «Art-Stars» — kamandu, jakaja składajecca z artystaŭ i muzykaŭ, — na pazicyi apornaha paŭabaroncy. Nie nasiŭsia, viadoma, pryniaŭ-addaŭ.
U sierady chadžu hulać u mini-futboł, ale nie zaŭsiody atrymlivajecca. U mianie ž jašče chakiej try razy na tydzień. Jon lahčejšy ŭ płanie ruchu, čym futboł. Ale tam treba mieć mocnaje cieła. Tamu ja jašče i doma trenirujusia. Brusy, hanteli…
Unuk spytaŭsia hod tamu: «Dziadula, adkul u ciabie hetyja kubiki?» Nu čamu b i nie? Kožny dzień pa 10-12 siłavych praktykavańniaŭ. 20-30 raz na brusach choć zaraz adcisnusia.
Mnie važna adčuvać siabie ŭ tonusie. Tonus — jon ža i ŭ mazhach taksama.
A kali chodziš i burčyš, jak stary dzied, to heta ŭžo ŭsio. Prypłyli…
Raniej rabiŭ stolki, kolki treba, a ciapier stolki, kolki chaču. Z uzrostam treba mianiać zvyčki.
Časam vuń nie biarusia za hitaru dva dni, a časam pa 5-6 hadzin ź joj, razvučvaju novaje abo ŭspaminaju staroje», — patłumačyŭ svoj styl žyćcia Rumbucis.
Čytajcie taksama:
Jak ciapier vyhladaje były ŭkrainska-biełaruski futbalist Arciom Mileŭski. Zaŭziatary bjuć tryvohu
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała5
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary