Va Ukrainie šukajuć biełarusa, abvinavačvanaha ŭ maradziorstvie ŭ Bučy
Adzin z sudoŭ Kijeŭskaj vobłaści dazvoliŭ supracoŭnikam palicyi zatrymać hramadzianina Biełarusi dla dalejšaha jahonaha aryštu i zabieśpiačeńnia prysutnaści ŭ sudzie pa razhladzie spravy pavodle abvinavačańnia jaho ŭ kradziažach u čas vajennaha stanovišča, heta častka 4 artykuła 185 Kryminalnaha kodeksa Ukrainy. Jamu pahražaje pazbaŭleńnie voli na termin ad 5 da 8 hadoŭ, piša «Radyjo Svaboda».
Jak adznačajecca ŭ sudovym rašeńni, hramadzianin Biełarusi, uradženiec Mahilova, pryjechaŭ va Ukrainu ŭ 2020 hodzie i žyŭ u Bučanskim rajonie. Jon byŭ žanaty, mieŭ siarednie-śpiecyjalnuju adukacyju, ale pa status uciekača nie źviartaŭsia i nie nadaŭ dakumientaŭ ab zakonnaści svajho pražyvańnia va Ukrainie. Jon źnik adrazu paśla taho, jak jamu vystavili abvinavačańnie paśla zaviaršeńnia dasudovaha rasśledavańnia.
Zhodna z materyjałami spravy, biełarus ciaham sakavika 2022 hoda ŭ čas rasijskaj akupacyi Bučy Kijeŭskaj vobłaści abakraŭ niekalki pryvatnych budynkaŭ, karystajučysia adsutnaściu haspadaroŭ. U niekatoryja budynki jon zachodziŭ pa niekalki razoŭ.
U pryvatnaści, u materyjałach fihuruje niekalki epizodaŭ, kali abvinavačvany pranikaŭ praz vokny ŭ pustyja budynki ci łamaŭ dźviery i vynosiŭ adtul roznuju majomaść, u tym liku čatyry noŭtbuki, niekalki fotaaparataŭ i pryład da ich, załatyja i srebnyja vyraby, niekalki rovaraŭ, nadzimanaja łodka, łasty, skuranyja ramiani, niekalki darosłych i dziciačych hadzińnikaŭ, elektryčnyja instrumienty, mabilnyja telefony.
Usiaho śledčyja vyśvietlili šeść epizodaŭ kradziažu, učynienych z 17 da 28 sakavika 2022 hoda, kali Buča znachodziłasia pad rasijskaj akupacyjaj. Zhodna z materyjałami spravy, biełarus vykraŭ majomaści bolš jak na 70 tysiač hryŭniaŭ, što pavodle ciapierašniaha kursa składaje kala 2 tysiač dalaraŭ u ekvivalencie.
6 červienia 2022 hoda hramadzianin Biełarusi padpisaŭsia pad paviedamleńniem ab zaviaršeńni rasśledavańnia i mahčymaści aznajomicca z materyjałami spravy, a na nastupny dzień źnik, i jahonaje ciapierašniaje miescaznachodžańnie nieviadoma. Imia padazravanaha nie nazyvajecca.
«Adčyniajem dźviery, a tam terabarona». Pasoł Polščy raskazaŭ pra pieršyja vajennyja tydni ŭ Kijevie
U Minsku na premjeru filma z fejkami pra Buču pryjšła tolki Bondarava ź siabroŭkami
«Va ŭkraincaŭ jość takaja rysa, jakaja moža padacca biełarusam hrubaściu». Aleś Płotka — pra homielski andehraŭnd, Cichanoŭskaha art-dyrektara i žonku-ŭkrainku
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
Ni śmiašycie...