CACHAŁ pakazaŭ zdymki balnicy «Al-Achli» ŭ Hazie da i paśla vybuchu i śćviardžaje, što śladoŭ avijaŭdaru niama
Tym časam u Hazie zajaŭlajuć pra 800 zahinułych.
Armija abarony Izraila (CACHAŁ) pakazała zdymki terytoryi balnicy «Al-Achli» ŭ Hazie da i paśla vybuchu, jaki adbyŭsia ŭčora viečaram, piša Newsru.co.il.
Na zdymkach vidać, što škoda była naniesiena aŭtamabilam na stajancy kala balnicy, a taksama dacham niekalkich budynkaŭ. Ale nijakich śladoŭ vybuchu avijabomby niama. U vypadku vybuchu avijabomby škoda była b značna bolšaj i pavinna była b utvarycca varonka, śćviardžaje CACHAŁ.
CACHAŁ praciahvaje nastojvać na tym, što pryčynaj vybuchu stała padzieńnie rakiety, vypuščanaj bajevikami «Isłamskaha džychadu» pa izrailskaj terytoryi.
Tym časam u Hazie zajaŭlajuć pra 800 zahinułych u vyniku ŭdaru pa balnicy.
Izrailski bok nie vałodaje dakładnymi danymi ab kolkaści achviar u vyniku hetaha vybuchu, ale małaimavierna, kab pry takim udary byli sotni zahinułych, jak zajaŭlaje padkantrolnaje CHAMAS Ministerstva achovy zdaroŭja Hazy.
Izrail pieradaŭ ZŠA sabranuju im raźviedvalnuju infarmacyju datyčna vybuchu ŭ špitali «Al-Achli». U pryvatnaści, byli pieradadzienyja zapisy pierachoplenych razmoŭ u Hazie i inšaja infarmacyja, sabranaja roznymi srodkami.
17 kastryčnika ŭ 19:19 u paleścinskich ŚMI źjavilisia pieršyja paviedamleńni ab vybuchu ŭ balnicy «Al-Achli» ŭ centralnaj častcy siektara Haza.
U momant vybuchu telekanał «Al-Džazira» vioŭ repartaž ź siektara Haza, u kadr trapiŭ zapusk rakiety ŭ bok Izraila i jaje padzieńnie nieŭzabavie paśla zapusku.
Čytajcie taksama:
Paśla ŭdaru pa balnicy ŭ Hazie Iardanija admianiła čatyrochbakovy samit z udziełam Džo Bajdena
U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho
AAN: Bolš za miljon čałaviek pakinuli svaje damy ŭ siektary Haza
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary