U centry Minska pradajecca zakinuty budynak. Kaštuje jak trochpakajovaja kvatera
Budynak možna rekanstrujavać pad apartamienty, a taksama pad administracyjna-dziełavy, handlovy, kulturny, spartyŭny, adukacyjny abo miedycynski abjekt.
Hety dom na skryžavańni vulicy Tarchanava i Hvardziejskaj (ciapier — samy centr horada) pabudavali jašče ŭ 50-ch hadach dla rabotnikaŭ Minskaha zavoda aciaplalnaha abstalavańnia. Budynak zastavaŭsia žyłym až da 2010-ch. Zatym žycharoŭ adsialili, i dvuchpaviarchovik niekalki hadoŭ stajaŭ zakinuty. Ciapier budynak vystavili na aŭkcyjon: jaho možna rekanstrujavać pad apartamienty, piša Realt.by.
Znachodzicca dvuchpaviarchovy dom na vulicy Hvardziejskaj, 9. Heta — zusim niedaloka ad praśpiekta Pieramožcaŭ, Parku Pieramohi i steły.
Płošča dvuchpaviarchovaha cahlanaha budynka składaje 1667 kvadratnych mietraŭ. Jaho pabudavali ŭ 1952-1953 hadach. U domie raźmiaščaŭsia internat № 3 Minskaha zavoda aciaplalnaha abstalavańnia. Ciapier u pabudovie adsutničajuć jakija-niebudź kamunikacyi, ale ŭsie ich možna budzie padklučyć.
Bałansatrymalnikam budynka vystupaje filijał № 2 kamunalnaha ŭnitarnaha pradpryjemstva «Minski haradski centr nieruchomaści».
Dom vystaŭleny na tarhi Dziaržkamitetam pa majomaści. Jany projduć na elektronnaj placoŭcy «Biełaruskaj univiersalnaj tavarnaj biržy».
Jak adznačajecca ŭ apisańni aŭkcyjonu, budynak na Hvardziejskaj možna rekanstrujavać pad apartamienty (biez pavieličeńnia paramietraŭ budynka), a taksama − pad administracyjna-dziełavy, handlovy, kulturny, spartyŭny, adukacyjny abo miedycynski abjekt.
Pakupnik budzie abaviazany za 2 hady raspracavać i zaćvierdzić prajektnuju dakumientacyju na rekanstrukcyju abo madernizacyju nieruchomaj majomaści; na praciahu šaści miesiacaŭ z dnia zaćviardžeńnia prajektnaj dakumientacyi prystupić da pačatku rekanstrukcyi abo madernizacyi; u miežach ustanoŭlenych narmatyŭnych terminaŭ zaviaršyć rekanstrukcyju abo madernizacyju nieruchomaj majomaści ŭ adpaviednaści z raspracavanaj prajektnaj dakumientacyjaj.
Pačatkovy košt budynka — 295,6 tysiačy rubloŭ (abo 90 tysiač dalaraŭ).
Tarhi pryznačanyja na 17 listapada (zajavy prymajucca da 14 listapada ŭklučna).
Učora ŭ Minsku pačałosia hramadskaje abmierkavańnie na hetu terytoryju. I kali raniej staryja dvuchpaviarchoviki ŭ rajonie Hvardziejskaj, Tarchanava i Hasteły źbiralisia znosić, to ciapier usie damy vyrašana rekanstrujavać pad administracyjnyja abjekty. Tak, na miescy adsielenaha internata pa Hasteła, 11 paśla rekanstrukcyi źjavicca prakuratura Centralnaha rajona, a na miescy susiednich žyłych budynkaŭ pa Hasteła 7 i 9 − administracyjnyja abjekty, u tym liku − vučebna-adukacyjny kompleks.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary