«Biełaruskaja presa zajmaje vyraznuju antyizrailskuju pazicyju».
Izrailskaja hramadskaja viaščalnaja karparacyja KAN, adzin z najbolš upłyvovych ŚMI Izraila, taksama źviarnuła ŭvahu na naratyvy aficyjnaj biełaruskaj prapahandy.
Uvahu televiaščalnaj karparacyi pryciahnuła publikacyja ŭ telehram-kanale «Žoŭtyja źlivy», u jakoj łukašysty nazvali fejkam navinu ab znachodcy na poŭdni Izraila ciełaŭ 40 zabitych CHAMAS izrailskich dziaciej, častka ź jakich była abiezhałoŭlenaja.
«Antyizrailskaja prapahanda ŭ Biełarusi praciahvajecca. Adzin z resursaŭ, źviazanych z aparatam Alaksandra Łukašenki, zajaŭlaje, što masavyja zabojstvy mirnych žycharoŭ, u tym liku dziaciej, na poŭdni Izraila źjaŭlajucca «vydumkaj izrailskich žurnalistaŭ, pra jakuju CACHAŁ ničoha nie viedaje». Pry hetym CACHAŁ učora pakazaŭ zamiežnym žurnalistam, što hetaja bojnia sapraŭdy adbyłasia.
Varta adznačyć, što biełaruskaja presa zajmaje vyraznuju antyizrailskuju pazicyju, i ŭ adnym ź jaje redakcyjnych artykułaŭ adzin aŭtar navat zaklikaŭ skinuć atamnuju bombu na Izrail», — zajaviła 11 kastryčnika izrailskaja televiaščalnaja karparacyja KAN.
Nahadajem, što zaklik skinuć atamnuju bombu na Izrail razam z zajavami pra toje, što dziejańni CHAMAS «źjaŭlajucca pieramohaj Maskvy i Minska», niadaŭna prahučali ŭ artykule łukašenkaŭskaha vydańnia «Minskaja praŭda», jaki napisaŭ prapahandyst rasijskaha Russia Today Ihar Mołataŭ.
Paśla ahałoski skandalny artykuł vydalili, adnak jaho paśpieli zaŭvažyć izrailskija ŚMI.
Kamientary
"Propahanda i tierror v Izraile. Počiemu łukašienkovskij CHAMAS dołžien byť uničtožien" dziela bolšaha achopu. Tam vielmi dobry materyjał pa ahladu łukašenkaŭskaj anty izrailskaj prapahandy pa stanu na 09.10.2023.
Upeŭnieny što i izrailskim miedyja heta budzie cikava. Vas čytajuć u Izraili.