Ź vidam na «Minsk-Arenu». Jak vyhladaje samaja tannaja kvatera ŭ «Łazurycie» — samym vysokim žyłym budynku Minska
Letaś zaviaršyłasia adna z samych hučnych budoŭlaŭ apošnich hadoŭ — u ekspłuatacyju byŭ uviedzieny žyły kompleks pad nazvaj «Łazuryt». Samy vysoki dom Minska budavali bolš za dziesiać hadoŭ. Realt.by pahladzieŭ na samaje niedarahoje žyllo ŭ kompleksie na praśpiekcie Pieramožcaŭ. I tam jość simpatyčnaja kvatera ź vidam na «Minsk-Arenu».
U «Łazurycie» − 8 padjezdaŭ i 37 pavierchaŭ (u samaj vysokaj siekcyi). Raźmiaščajecca žyły kompleks na skryžavańni praśpiekta Pieramožcaŭ i vulicy Naračanskaj.
Uvieś dom staić na dvuchpaviarchovym styłabacie. Uviersie — žyllo, a ŭnizie − dvuchuzroŭnievy padziemny parkinh. Pieršyja siekcyi doma pačali zasialacca jašče ŭ 2019-m, a vyšynnuju častku zdali ŭ 2022 hodzie.
Samaja niedarahaja prapanova ŭ kompleksie na siońniašni momant — heta adnapakajovaja kvatera na 5-m paviersie.
Płošča hetaha žylla składaje 49 kvadratnych mietraŭ. Tut piaredni pakoj, kalidor, asobnaja kuchnia i žyły pakoj. Płaniroŭka ŭ kvatery — niestandartnaja. U žyłym pakoi — paŭkruhłaja ściana i adrazu dva akny.
Kuchnia ŭ kvatery vydzielena ŭ asobnaje pamiaškańnie płoščaj 8,7 kvadrata. Adsiul možna trapić na zašklonuju łodžyju.
Jość łaminat, špalery, plitka. Tut jość całkam abstalavany sanvuzieł z dušavoj kabinaj, adnak niama hatovaj kuchni.
U domie jość padziemnaja parkoŭka (miesca — uklučana ŭ košt), da jakoj z kožnaha padjezda viadzie lift.
Pieršyja pavierchi doma zajmajuć ubudavanyja pamiaškańni. Tut užo pracuje bank, vieterynarnaja klinika, kafe, mahazin «Susiedzi» i filijał palikliniki № 4.
Ujezd u dvor ažyćciaŭlajecca praz šłahbaum. Na zakrytaj terytoryi raźmieščana niekalki hulniavych i spartyŭnych placovak, a taksama kampaktnyja haściavyja parkoŭki. U metach biaśpieki na terytoryi žyłoha kompleksu raźmieščana adrazu try pasty kruhłasutačnaha kantrolu. Dziažurnyja administratary sočać za ŭsim, što adbyvajecca ŭnutry i zvonku «Łazuryta»: adnačasova tut pracuje bolš za 300 srodkaŭ videakantrolu.
U niepasrednaj blizkaści ad doma znachodzicca vadaschovišča Drazdy, akvapark «Lebiadziny», vieładarožka, spartyŭna-zabaŭlalny kompleks FalconClub, spartyŭny kompleks Minsk-Arena i handlovy centr «Arena-Sici».
Košt adnapakajovaj kvatery — 82,9 tysiačy dalaraŭ (1668 dalaraŭ za mietr).
Ciapier čytajuć
Łukašenka patłumačyŭ, čamu jaho nie vidać pa sieradach i subotach14
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary