З відам на «Мінск-Арэну». Як выглядае самая танная кватэра ў «Лазурыце» — самым высокім жылым будынку Мінска
Летась завяршылася адна з самых гучных будоўляў апошніх гадоў — у эксплуатацыю быў уведзены жылы комплекс пад назвай «Лазурыт». Самы высокі дом Мінска будавалі больш за дзесяць гадоў. Realt.by паглядзеў на самае недарагое жыллё ў комплексе на праспекце Пераможцаў. І там ёсць сімпатычная кватэра з відам на «Мінск-Арэну».
У «Лазурыце» − 8 пад'ездаў і 37 паверхаў (у самай высокай секцыі). Размяшчаецца жылы комплекс на скрыжаванні праспекта Пераможцаў і вуліцы Нарачанскай.
Увесь дом стаіць на двухпавярховым стылабаце. Уверсе — жыллё, а ўнізе − двухузроўневы падземны паркінг. Першыя секцыі дома пачалі засяляцца яшчэ ў 2019-м, а вышынную частку здалі ў 2022 годзе.
Самая недарагая прапанова ў комплексе на сённяшні момант — гэта аднапакаёвая кватэра на 5-м паверсе.
Плошча гэтага жылля складае 49 квадратных метраў. Тут пярэдні пакой, калідор, асобная кухня і жылы пакой. Планіроўка ў кватэры — нестандартная. У жылым пакоі — паўкруглая сцяна і адразу два акны.
Кухня ў кватэры выдзелена ў асобнае памяшканне плошчай 8,7 квадрата. Адсюль можна трапіць на зашклёную лоджыю.
Ёсць ламінат, шпалеры, плітка. Тут ёсць цалкам абсталяваны санвузел з душавой кабінай, аднак няма гатовай кухні.
У доме ёсць падземная паркоўка (месца — уключана ў кошт), да якой з кожнага пад'езда вядзе ліфт.
Першыя паверхі дома займаюць убудаваныя памяшканні. Тут ужо працуе банк, ветэрынарная клініка, кафэ, магазін «Суседзі» і філіял паліклінікі № 4.
Уезд у двор ажыццяўляецца праз шлагбаум. На закрытай тэрыторыі размешчана некалькі гульнявых і спартыўных пляцовак, а таксама кампактныя гасцявыя паркоўкі. У мэтах бяспекі на тэрыторыі жылога комплексу размешчана адразу тры пасты кругласутачнага кантролю. Дзяжурныя адміністратары сочаць за ўсім, што адбываецца ўнутры і звонку «Лазурыта»: адначасова тут працуе больш за 300 сродкаў відэакантролю.
У непасрэднай блізкасці ад дома знаходзіцца вадасховішча Дразды, аквапарк «Лебядзіны», веладарожка, спартыўна-забаўляльны комплекс FalconClub, спартыўны комплекс Мінск-Арэна і гандлёвы цэнтр «Арэна-Сіці».
Кошт аднапакаёвай кватэры — 82,9 тысячы даляраў (1668 даляраў за метр).
Цяпер чытаюць
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам4
Каментары