Баранавічы па цікавасці для турыстаў значна абагналі Нясвіж. Але толькі па адным паказчыку
Сэрвіс «Куфар Падарожжы» прааналізаваў больш за 120 тысяч паспяхова завершаных рэзерваванняў жылля за студзень—чэрвень 2026 года і склаў рэйтынг найбольш папулярных гарадоў для паездак па Беларусі.
Большасць браняванняў — 91% — зрабілі жыхары Беларусі. Яшчэ 4,6% заказаў прыпала на карыстальнікаў з Расіі, а астатнія 4,4% — на гасцей з іншых краін.
Безумоўным лідарам колькасці рэзерваванняў застаецца Мінск. На сталіцу прыйшлося амаль 40% усіх заказаў за першае паўгоддзе, што больш, чым разам на пяць абласных цэнтраў.
Другое месца заняў Гродна з доляй 11,8%, трэцяе — Брэст (9,8%). Віцебск і Гомель атрымалі па 5,6% браняванняў, пры гэтым розніца паміж імі склала ўсяго каля 30 заказаў. Магілёў размясціўся на шостай пазіцыі з паказчыкам 4,8%.
Сярод гарадоў, якія не з'яўляюцца абласнымі цэнтрамі, найбольшай папулярнасцю карысталіся Баранавічы. За першыя шэсць месяцаў 2026 года там было аформлена больш за тры тысячы рэзерваванняў, што вывела горад на сёмае месца агульнага рэйтынгу.
Следам размясціліся Пінск і Бабруйск. У першую дваццатку таксама ўвайшлі Ліда, Полацк, Мазыр, Орша, населеныя пункты Мінскага раёна, Наваполацк, Барысаў, Кобрын, Салігорск, Маладзечна і Нясвіж.
Паводле даследавання, на дваццаць самых папулярных лакацый прыйшлося 93,4% усіх браняванняў з агульнага спісу 113 населеных пунктаў. Гэта сведчыць пра высокую канцэнтрацыю попыту.
Традыцыйна папулярныя турыстычныя напрамкі паказалі больш сціплыя вынікі. Нясвіж заняў 20‑е месца з 640 рэзерваваннямі, Браслаў атрымаў 321 браніраванне, Навагрудак — 212, Мядзел — 37, а Мір — толькі 19. Гэта сведчыць, што ў першай палове 2026 года найбольш актыўны попыт на кароткатэрміновую арэнду жылля назіраўся не толькі ў вядомых турыстычных цэнтрах, але і ў буйных раённых гарадах.
Разам з тым аўтары даследавання адзначаюць, што колькасць рэзерваванняў залежыць не толькі ад цікавасці турыстаў да ўласнай мясцовасці, але і ад колькасці даступнага жылля, сезоннасці і асаблівасцяў размяшчэння аб'яў.
Ад Прыпяці да Каўказа. Як сям’я з-пад Мінска падарожнічае на кэмперы
«Мы непрыкметна». Як беларусы цяпер едуць у Анапу на адпачынак
«Выйшлі з аўтобуса і адмовіліся ад тура». Беларусы расказалі, як мяжа сапсавала ім падарожжа
Беларус зрабіў самаробны мотавел на сонечных батарэях і сам прыехаў на ім на радзіму з Дагестана
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары