Варажбітцы з Быхава, што абула даверлівых людзей на 150 тысяч рублёў, вынеслі суровы прысуд
Жанчына спецыялізавалася на здыманні псуты і вянца бясшлюбнасці. Ахвярамі махляркі сталі пяць чалавек.
Жанчына дзейнічала такім чынам дзевяць месяцаў. Яна выдумляла наяўнасць у ахвяр «вянца бясшлюбнасці» або псуты, праводзіла фіктыўныя абрады і давала ілжывыя абяцанні дапамагчы з вяртаннем даўгоў, піша БелТА.
Ахвярамі махляркі сталі пяць чалавек. Адна з пацярпелых настолькі паверыла ў «дар» абвінавачанай, што аддала ёй усе свае зберажэнні, прадала кватэру, узяла крэдыты і заклала золата ў ламбард. Агульная шкода ад дзеянняў зламысніцы перавысіла 150 тысяч рублёў.
Суд Быхаўскага раёна прызнаў жанчыну вінаватай у здзяйсненні злачынства, прадугледжанага ч. 4 арт. 209 Крымінальнага кодэкса.
Ёй далі шэсць гадоў пазбаўлення волі з адбываннем пакарання ў папраўчай калоніі агульнага рэжыму, а таксама штраф 200 базавых велічынь (9000 рублёў)
Жанчыва сваёй віны не прызнала і абскардзіла прысуд, але апеляцыя была пакінутая без задавальнення, прысуд уступіў у законную сілу.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога7
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары