U Iranie palicyja noravaŭ znoŭ źbiła dziaŭčynu za nievykanańnie dres-koda. Jana ŭ komie
16-hadovaja iranka Armita Hieravand trapiła ŭ komu ŭ vyniku ciažkich traŭmaŭ, atrymanych paśla taho, jak palicyja noravaŭ zatrymała jaje na stancyi Tehieranskaha mietro za nievykanańnie isłamskaha dres-koda, piša Bi-bi-si.
Pavodle źviestak niezaležnaj pravaabarončaj arhanizacyi Hengaw, incydent u mietro adbyŭsia ŭ niadzielu 3 kastryčnika. Pradstaŭniki ŭładaŭ spynili dziaŭčynu na płatformie i zapatrabavali, kab jana pakryła hałavu. Kali dziaŭčyna admoviłasia, jany ŭžyli da jaje hrubuju siłu. Skončyłasia heta tym, što Armitu dastavili ŭ najbližejšy vajskovy špital.
Ułady kateharyčna admaŭlajuć, što traŭmy byli naniesienyja supracoŭnikami palicyi, ale aktyvisty Hengaw na hetym nastojvajuć.
Ahienctva Reuters paviedamlaje, što na kadrach z kamier CCTV vidać, jak Armita idzie da ciahnika, jaki padjechaŭ da płatformy, u supravadžeńni dźviuch siabrovak. Incydent z palicyjaj adbyŭsia pierad tym, jak jany źbiralisia ŭvajści ŭ vahon. Hałava była niepakrytaja tolki ŭ jaje.
Na kadrach CCTV vidać, jak pasažyry adciahvajuć ad dźviarej vahona cieła dziaŭčyny, z čaho možna zrabić vysnovu, što jana straciła prytomnaść vielmi chutka. Pravaabaroncy apublikavali fota dziaŭčyny ŭ nieśviadomym stanie na balničnym łožku.
«My ŭvažliva sočym za hetaj spravaj, dziaŭčyna ŭ komie ŭ adździaleńni reanimacyi, jaje svajaki kažuć, što ŭ špitali šmat ludziej u cyvilnym», — raspavioŭ žurnalistam ahienctva Reuters adzin ź iranskich aktyvistaŭ na ŭmovach ananimnaści. Inšy aktyvist paviedamiŭ, što ŭłady zabaranili baćkam dziaŭčyny publikavać jaje fatahrafii ŭ sacsietkach i razmaŭlać z pravaabaroncami.
Sprava Armity Hieravand moža vyklikać vielizarny hramadski rezanans, jak heta było ŭ 2022 hodzie, kali pry padobnych abstavinach ad ruk palicyi noravaŭ zahinuła 22-hadovaja Machsa Amini. Machsa była zatrymanaja na vulicy Tehierana ŭ vieraśni minułaha hoda za toje, što jaje chustka spaŭzła na patylicu. Jaje dastavili ŭ pastarunak, dzie jana była źbitaja, u komie trapiła ŭ balnicu i nieŭzabavie pamierła. Jaje śmierć spravakavała masavyja pratesty, jakija praciahvalisia niekalki miesiacaŭ. Pavodle siarednich acenak, u sutyknieńniach z palicyjaj tady zahinuli bolš za piaćsot čałaviek.
Iran ustaloŭvaje kamiery, kab adsočvać i karać žančyn biez chidžabaŭ
Viarchoŭny lidar Irana zahadaŭ pamiłavać dziasiatki tysiač aryštavanych padčas antyŭradavych pratestaŭ
U Iranie maładuju paru asudzili na 10 hadoŭ kałonii za ramantyčny taniec u centry stalicy
U Iranie aryštavali viadomuju aktrysu, jakaja padtrymała pratestoŭcaŭ
Plamieńnicu ajatały Chamieniei aryštavali paśla taho, jak jana zaklikała zamiežnyja ŭrady razarvać suviazi z Tehieranam
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary