Pahladzicie, jak cudoŭna biełaruskuju «Pahoniu» śpiavaje ŭkrainski banduryst VIDEA
Biełaruskaja piśmieńnica Ina Dzidyk, jakaja daŭno žyvie va Ukrainie, apublikavała ŭ fejsbuku videa, na jakim ukrainski vandroŭny banduryst-mistyk Bahdan Kazłoŭski śpiavaje pa-biełarusku znakamituju «Pahoniu» na słovy Maksima Bahdanoviča.
Muzyku da słovaŭ Bahdanoviča Bahdan Kazłoŭski napisaŭ samastojna, bo jamu spadabaŭsia tekst, a jak hučyć muzyka hetaha himna ŭ aryhinale, jon nie viedaŭ.
«Heta nie adzinaja pieśnia Bahdana Kazłoŭskaha na biełaruskaj movie. Kali my paznajomilisia i jon daviedaŭsia, što ja biełaruska, paprasiŭ, kab pahavaryła na rodnaj movie. Bahdan lohka ŭklučyŭsia ŭ razmovu, choć i havaryŭ pa-biełarusku ŭpieršyniu. Daloka nie ŭsie etničnyja biełarusy viedajuć movu na takim uzroŭni», — piša Ina Dzidyk.
Svoj śpieŭ «Pahoni» Bahdan Kazłoŭski pryśviaciŭ tym biełarusam, jakija addali žyćcio za svabodu Ukrainy i Biełarusi.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary