U zakaźniku ŭ Brasłaŭskim rajonie znajšli niezvyčajnyja hryby. Tam miarkujuć, što heta redki vid — čornyja lisički
U zakaźniku «Ryčy» znajšli miesca, dzie rastuć redkija hryby, vierahodna, — čornyja lisički. Pra heta «Brasłaŭskaj zorcy» raspavioŭ dyrektar pryrodaachoŭnaj ustanovy Alaksandr Mołakaŭ.
Pa słovach kiraŭnika zakaźnika, niezvyčajnaja znachodka była zroblena padčas rejdu, kali ahladali miaściny vyrastańnia redkich vidaŭ raślin i šukali novyja.
«Padčas manitorynhu było zaŭvažana niekalki lisičak niezvyčajnaj afarboŭki — ciomnaj. Užo pa-za lesam z dapamohaj sučasnych technałohij vyśvietlili, što hety hryb vielmi padobny da varonačnika rožkapadobnaha, jaki zjaŭlajecca redkim dla Biełarusi», — adznačyŭ surazmoŭca.
Va ŭstanovie kažuć, što ciapier znojdzienaje miesca ŭziali pad kantrol i buduć dalej vyvučać.
Kamientary
chaj by ŭ hetaj temie i zastavalisia